Ūlty – orys.
Mamandyǧy – qazaq tılı men ädebietı pänınıŋ mūǧalımı.
Qalai deisız ǧoi-ä?!
Qaladaǧy №23 orta mekteptıŋ mūǧalımı Semen Kuznesov turaly estıgende taŋdanǧanymyz ras. Būǧan deiın qazaqşa erkın kösıle alatyn özge ūlt ökılderınıŋ köptıgıne etımız üirengen. «Tılge qūrmetı – elge qūrmetı». Būl joly tıptı basqaşa. Qazaq tılın qazaqtarǧa üiretıp tūr…
…Esıktı qaqqan bızge «Kırıŋızder, qazır, oquşylarǧa üi tapsyrmasyn berıp alaiyn» dedı. Sabaqty qalai jürgızetının köruge yntyǧyp tūrǧan bız därıstıŋ jalǧasqanyn qalap-aq tūrmyz.
«Al, balalar, myna söilemdegı sızdıŋ esımıŋız degen III jaqtyŋ sypaiy türı…» degen Semennyŋ sözın oquşy dauysy böldı.
– Aǧai, ündestık zaŋy boiynşa ma?
– Älbette solai, – dedı ūstazy ūmsynyp.
Köŋılıŋ senbeitın närsege közıŋnıŋ kuäger bolǧany qandai ǧanibet. 23 jasar Semen mūǧalımnıŋ būl tūrysy barlyq qazaqstandyqtarǧa ülgı bolarlyqtai körındı bızge.
Hoş. Sonymen sabaǧyn aiaqtaǧan Semennen sūhbat aluǧa kırıstık.
– Qaida oqydyŋ?
– Evnei Böketov atyndaǧy Qar MU-de. Filologiia fakultetın tämamdadym.
– Būl mektepke qalai keldıŋ?
– Özım osy mekteptıŋ tülegımın. Äu bastan astanalyqpyn. Oquymdy bıtırıp, osynda sabaq beru menıŋ armanym bolǧan.
– Būl mamandyqty taŋdauyn taŋdap alyp, keiınnen qinalyp, qamyqqan kezıŋ boldy ma?
(Bız de ädeiı söilemımızdı qiyndatyp qoiamyz. Oǧan tosylyp otyrǧan ol joq)
– Joq-ä. Qaita, künnen-künge qazaqtyŋ tılıne, ädebietıne degen mahabbatym oianyp, zertteuge qūlşynyp jürmın.
– Ädebietşı retınde aqyn-jazuşylardan kımderdı köp oqydyŋ?
– Mūqaǧali men Beiımbettı. Būlar söz önerınıŋ susynyn qanyp ışken söz süleilerı ǧoi.
– Maqsatyŋ qandai?
– Qazaq tılınıŋ märtebesın köteru.
– Senıŋşe, qazaq tılınıŋ märtebesı tömen be sonda?
– Olai deuden aulaqpyn. Bıraq, elımızde kez- kelgen memlekettık tıldı qyzmetkerden görı, aǧylşyn tılınıŋ mamandaryna degen sūranys basym. Sondyqtan, qazaq tılın eŋ bırınşı qajettılıkke qoiu kerek dep oilaimyn. Men özımdı qazaq tılı men ädebietı pänınıŋ mūǧalımımın dep artyq sanamaimyn. Būl menıŋ – qyzmetım. Jep otyrǧan nanym. Özım tūratyn elge etken eŋbegım. Būǧan men mındettımın.
Quanyp qaldyq. Eldıŋ ärbır azamaty däl osylai oilasa ǧoi deisıŋ. Būl – bızdıŋ arman, ärine…
Güljan RAHMAN
