ŞABAQ ÖSIRU ŞARUAŞYLYǦYNDA…
Elımızde balyqtyŋ tamaq öndırısındegı ülesı 5-6 paiyzǧa ǧana jetıp otyr. Osy maqsatta Qorşaǧan ortany qorǧau ministrlıgınıŋ bastamasymen Qoiandy su qoimasyna 7,5 myŋdai möŋke şabaǧy jıberıldı.
Astana qalasy äkımdıgınıŋ «JasNūr» öndırıstık şaruaşylyq käsıpornynyŋ mamany Jarylqasyn Äbdıkerımovtıŋ aituynşa, būl şabaqtar 1,5-2 jylda halyq kädesıne asady, olardyŋ qūny bazardaǧydai tym qymbat emes. Astana qalasynyŋ arnauly nüktelerınde arzan baǧamen satylady.
«Körıp tūrǧanymyzdai, su qoimasyna jıberılıp jatqan 13-15 santimetr şabaqtar keler jyldyŋ köktemıne qarai edäuır ösedı, bır jyldan keiın aulap, sauda oryndarynyŋ sörelerıne jetkızemız. Bız būl şabaqtardy Qaraǧandydan biyl ekınşı märte äkelıp jatyrmyz. Endı aq amur şabaqtaryn äkelu josparda bar» deidı «JasNūr» käsıpornynyŋ mamany Jarylqasyn Däuletūly.
Byltyr Jambyl öŋırınen Qoiandy su qoimasyna jetkızılgen aq amur tūqymdastary biyl äjeptäuır jetılıp qalypty. Tıptı, auǧa tüsken asa ırılerı sauda oryndaryna jol tartyp ülgergen. Keler jyly da biylǧy jıberılgen möŋke balyqtardyŋ ösıp-önuı basty nazarǧa alynady.
Quat QİYQBAI