Elordada №2 köpbeiındı qalalyq balalar auruhanasynda travmatologiia jäne anesteziologiia salasynda täjıribe almasu boiynşa şeberlık sabaǧy öttı.
Emhana bazasynda ötken şeberlık sabaǧyna belgılı därıger, travmatolog-ortoped, Qyzyl Krest atyndaǧy Qorǧan oblystyq balalar klinikalyq auruhanasynyŋ bölım meŋgeruşısı Anatolii Korobeinikov, anesteziolog-reanimatolog, Qorǧan qalasyndaǧy akademik İlizarov atyndaǧy travmatologiia jäne ortopediia Ūlttyq medisinalyq zertteu ortalyǧynyŋ anesteziolog-reanimatolog därıgerı Vadim Evreinov arnaiy şaqyryldy. Ota jasau barysynda olar balalarǧa jalpy anesteziianyŋ «auyr» türlerın qoldanbai-aq, zamanaui-ötkızgış, aimaqtyq jansyzdandyru, epiduraldy anesteziia qoldanady. Būl – köptegen şet memleketterde qoldanylatyn anesteziianyŋ zamanaui türı.
– Ata-analar ota jasau barysynda jalpy narkoz saldyrǧannan qorqady, därıgerler otadan keiıngı asqynudyŋ bolmaǧanyn oilaidy. Osy tūrǧyda, būl ädıs öte tiımdı jäne ol Europada keŋınen taralǧan. Al bızge endı kelıp jatyr. Būl ädıstıŋ mänı – ota jasalatyn dene bölıgın ǧana jansyzdandyru, bala būl kezde ūiyqtap jatady, bıraq özı tabiǧi demalady, oǧan jasandy ökpemen demaldyru apparatyn qosudyŋ qajet joq. Sonymen qatar būl ädıstıŋ artyqşylyǧy, otadan keiın bala oianǧanda onyŋ eş jerı auyrmaidy, sondyqtan būl rette balaǧa otadan keiıngı bastapqy kezeŋde salynatyn anelgetikter qoldanbaimyz. Osy baǧytta jinaǧan täjıribemızdı bölısuge keldık, – deidı Anatolii Korobeinikov.
Şeberlık sabaǧynda elordalyq därıgerler bılıktılıgın arttyrdy. Solardyŋ bırı – därıger-travmatolog-ortoped Oljas Bainazarov.
– Bügın bızge Qorǧan qalasynan ekı därıger kelıp jatyr. Olar balalardyŋ aiaq, qol synyǧyna otany aǧzasyna köp ziian keltırmei otyryp jasaudy üiretuge keldı. Otadan keiın balalar gipspen ūzaq jürgenşe qozǧalǧany maŋyzdy, iaǧni mūndai otadan keiın olar gipspen 1-2 ai jatpaidy, bır aptadan keiın jüre bastaidy. Köpten berı mūndai şeberlık sabaqtary bırınşı ret ötıp otyr, – deidı ol.
