Qala tūrǧyndary üşın «Smart Astana» atty mobildık qosymşa qoldanysqa engelı paidalanuşylar sany 70 myŋǧa juyqtady. Ony kez kelgen adam ūialy bailanys telefonyna «Apple Store» jäne «Play Market» arqyly tegın jüktei alady.
Bar bolǧany bır-aq qosymşada qalalyq avtobustardyŋ barlyq qozǧalysyn onlain rejimde baqylauǧa bolady. Jol qozǧalysy erejelerı aiyppūldaryn tekseru, intellektualdyq bailanys ortalyǧyna ötınış bıldıru, halyqaralyq jäne ışkı äue reisterınıŋ ūşu jäne ūşyp kelu uaqytyn, sondai-aq, poiyz, elektrichka jäne qalaaralyq avtobustardyŋ kestesın köruge mümkındık qarastyrylǧan. Ondaǧy «Smart tickets» aidarynda «Bäiterek», «Atameken Qazaqstan kartasy» etno-memorialdyq keşenı, Jastar saraiy, S.Seifullin atyndaǧy muzei, Q.Quanyşbaev atyndaǧy Memlekettık akademiialyq qazaq muzykalyq drama teatry, Memlekettık akademiialyq filarmoniia, Quyrşaq teatry, Jastar teatry sekıldı taǧy basqa mädeni oryndarda ötetın ıs-şaralarǧa bilettı onlain arqyly satyp aluǧa bolady. Al, juyrda sporttyq şaralarǧa da bilet satyp alu mümkındıgı ūsynylmaq. Qosymşa, sondai-aq, mektepterdegı sabaqtardyŋ bolmauy, tas joldardyŋ jabyluy men aşyluy jäne qaladaǧy jaisyz aua raiy turaly push-habarlamalardy lezde alu funksiiasymen yŋǧaily.
Gülmira AIMAǦANBET
