Resmi bet

Strategiialyq serıktestık keleşegın talqylady

Memleket basşysy Qasym-Jomart Toqaev ­Europalyq keŋes Prezidentı Şarl Mişelmen kelıssöz jürgızdı. Qasym-Jomart Toqaev pen Şarl Mişel Keŋeitılgen serıktestık jäne yntymaqtastyq turaly kelısımnıŋ tiımdı jüzege asyryluyna basa män bere otyryp, Qazaqstan men Euroodaq arasyndaǧy strategiialyq serıktestıktıŋ qazırgı jaǧdaiy men keleşegın jan-jaqty talqylady.

[smartslider3 slider=1135]

Kezdesu barysynda saiasi, sauda-ekonomikalyq, inves­tisiialyq salalar boiynşa yqpaldastyqty keŋeituge erekşe nazar audaryldy. Sonymen qatar koronavirus pandemiiasyna qarsy küreske, onyŋ ışınde vaksinalardy jäne vaksinasiia pasporttaryn özara moiyndau­ǧa qatysty özektı mäseleler söz boldy.

Būdan bölek, taraptar halyqaralyq jäne öŋıraralyq kün tärtıbın, onyŋ ışınde Auǧanstandaǧy jaǧdaidy jäne osy elge gumanitarlyq kömek körsetu üşın küş jūmyldyru mäselesın talqylady. Qasym-Jomart Toqaev Şarl Mişeldıŋ Europalyq keŋes prezidentı lauazymyndaǧy köşbasşylyǧyn joǧary baǧalap, Qazaqstanmen yntymaqtastyqqa baǧyttalǧan aşyq ärı konstruktivtı ūstanymyna rizaşylyq bıldırdı.

Memleket basşysy soŋǧy 30 jylda Qazaqstan men Euroodaq arasynda özara senımge, qūrmetke jäne ortaq basymdyqtarǧa negızdelgen berık qatynas ornaǧanyn atap öttı. Taraptar 29 baǧyt boiynşa yqpaldas­tyqtyŋ qūqyqtyq negızın qalyptastyratyn Keŋeitılgen serıktestık jäne yntymaqtas­tyq  turaly kelısımdı tolyq ıske asyrudyŋ maŋyzdylyǧyn atap öttı. Euroodaqtyŋ Ortalyq Aziia boiynşa jaŋa strategiia­synyŋ, sondai-aq Euroodaq – Ortalyq Aziia baǧytyndaǧy belsendı dialogtyŋ tiımdı jüzege asyrylu barysyna oŋ baǧa berıldı. Qasym-Jomart Toqaev sauda-ekonomikalyq jäne investisiialyq bailanys­tardyŋ qarqyndy damyp kele jatqanyn aitty. Memleket basşysynyŋ aituynşa, Euroodaq – Qazaqstan ekonomikasyna jalpy 160 milliard AQŞ dollary kölemınde investisiia qūiǧan eŋ ırı investor. Al Qazaqstan – Euroodaqtyŋ Ortalyq Aziia aimaǧyndaǧy eŋ ırı sauda serıktesı. Özara sauda ainalymy 24 milliard dollarǧa jetken.

Kezdesude Memleket basşysy Ortalyq Aziiadaǧy su resurs­tary mäselesıne toqtalyp, aimaqtaǧy memleketterdıŋ gidroenergetika, irrigasiia jäne qorşaǧan ortany qorǧau salasyndaǧy maŋyzdy müddelerın teŋestıruge baǧyttalǧan Halyqaralyq su-energetikalyq konsorsium qūru qajet ekenın atap öttı. Osyǧan bailanysty Prezident europalyq serıktes­terdı Qazaqstannyŋ bastamasyn jüzege asyruǧa üles qosuǧa şaqyrdy.

Sonymen qatar Qazaqstan Prezidentı Euroodaq jüzege asyryp jatqan europalyq «jasyl kelısım» atauymen belgılı jaŋa ekologiialyq damu modelıne toqtaldy. Osy rette Qasym-Jomart Toqaev senımdı ärı tūraqty türde şikızatqa qoljetımdılıktı, sondai-aq elımızdıŋ akkumuliatorlyq qūn tızbegıne bırıguın qamtamasyz etu arqyly Europalyq şikızat aliansymen jäne Europalyq akkumuliatorlyq alianspen aradaǧy serıktestıktı jolǧa qoiuǧa daiyn ekenın jetkızdı.

Kezdesu soŋynda Memleket basşysy Qasym-Jomart Toqaev Şarl Mişeldı Qazaqstanǧa saparmen keluge şaqyrdy.

Taǧyda

Ūqsas jaŋalyqtar

Pıkır üsteu

Back to top button