Qala tırşılıgı

Studentter jūmys ıstep jür

Oqu jyly aiaqtalyp, boi jazyp, oi sergıtıp, köŋıl köteretın kanikul da kelıp jettı. Alaida, bügıngı jastar bosqa demalyp jata beruden aulaq. Kerısınşe, aqşa tauyp, eŋbek etıp, özın-özı qamtudyŋ qamyn qylmaq. Osy oraida, bız L.Gumilev atyndaǧy Euraziia ūlttyq universitetınıŋ ala jazdai eŋbek etetın studentterın äŋgımege tartqan edık.

Mysaly, Jurnalistika jäne saiasattanu fakultetınıŋ stu­dentı Jūmabek Serıkbek toiǧa şyǧyp, asabalyqpen ainalysady. Kanikul emes, sabaq arasynda da şyǧyp jürgen kezderı bolypty.

«Toiǧa şyǧu oquyma eş kedergı keltırmeidı. Esesıne, toi baryn eskerıp, sabaqty aldyn-ala oqyp qoiatyn jaiymyz bar. Stipendiia alǧanymyzben, ol Astanadai qymbat qalada ai tügılı, ekı aptaǧa da jetpeidı.

Jurnalistika salasynda oqyp jatqandyqtan, söz öne­rınen alys ketpegen Serıkbekke qūp delık. Al endı, bolaşaq saia­­sattanuşynyŋ daiaşy bop jür­genıne ne deisız?

Jandarbek Joldas – saiasattanu mamandyǧynyŋ studentı. Qazır ol «Han şatyr» sauda-oiyn-sauyq ortalyǧyndaǧy kofehanada daiaşy bop jür.

«Jūmys ısteuıme bırınşı sebep, ata-anamnan qarjylyq täuelsızdıkte bolu. Ekınşıden, özıŋmen-özıŋ ömır sürudı üi­renıp, özıŋdı-özıŋ asyrai bıluge daǧdylanuyŋ kerek» deidı Jandarbek.

Öz betınşe jūmys ıstep, aiyna 80 myŋ jalaqy tauyp jürgenın ata-anasyna älı künge aitpaǧan eken. Sebebın sūraǧanymyzda, «olardy äurege salyp, men üşın alaŋ­daǧandaryn qala­maimyn» dep aqtaldy.

Bolaşaq jurnalist Möldır Moldaǧalievanyŋ da bala kütu­şısı bolyp jürgenıne 2-3 ai bolyp qalypty.

«Stipendiiamnan bölek, üi ışı de ai saiyn aqşa jıberıp tūrdy. Endı äke-şeşeme sal­maq salǧym kelmedı. Onyŋ üstıne, būl bos uaqytty tiımdı ötkızudıŋ amaly ǧoi» deidı Möldırdıŋ özı. Bıraq, onyŋ «niania» bolyp jürgenın ata-ana­sy keiın bılıptı. Sabaǧyna kedergı etpeitındıgın estıgen soŋ, ol kısıler de qyzdaryna qarsylyq bıldırmegen eken.

Sondai-aq, Möldır aily­ǧy­nyŋ 30 myŋ teŋge ekenın de jasyrmady. Ol aqşany qaida jaratatynyn sūraǧanymyzda, «Qyzdyŋ qyryq türlı kerek-jaraǧy bar ǧoi. Jalpy, tabysym öz basyma jetıp jatyr» dep aǧynan jaryldy.

Kelesı keiıpkerımız – Ba­qyt­jan Orazbekov fizika-­-tehnikalyq fakul­tetınde oqidy. Onyŋ Mem­le­kettık sanitarlyq-epide­miolo­giia­lyq qadaǧalau komitetınıŋ Astana qalasy boiynşa de­par­tamentınde IT-maman bolyp qyzmet etıp jürgenıne ekı jyldai uaqyt bolypty. Ai saiyn şäkırtaqysyna qosa, 25 myŋ teŋge tauyp jürgen Baqytjandy ata-anasy qol­daityn körınedı.

«Jiǧan-tergenımnıŋ basym bölıgın tıl kurstaryna jūm­saimyn. Qalǧanyn dostarymmen köŋıl köteruge jaratamyn. Būryn süigen qyzyma syilyq äperıp, seruendeuge de bırşama şyǧyndalatynmyn…» dep küledı Baqytjan. Jazǧy kanikulda osy jūmysymen bırge, taǧy bır jerge ornalaspaq oiy bar eken.
Barlyǧynyŋ jūmys ısteuıne ortaq bır sebep – ata-anasyna auyrt­palyq artpau. Demek, studentter eŋbegınıŋ eş jamandyǧy joq. Qaşan da jaqsylyqqa jūm­salǧan jıger-küştıŋ qaiyry bolady ǧoi. Bastysy, olar sabaqtaryn ūmyt qaldyrǧan emes. Barlyq respondenttıŋ oqu ülgerımderı jaqsy. Qalasa, bärıne de ülgeruge bolatyndyǧyn däleldep jürgendei.

Äl-Farabi babamyz: «Kez kelgen eldıŋ bolaşaǧyn körgıŋ kelse, sol elde tūryp jatqan jastardyŋ tynys-tırşılıgıne qara!» degen eken. Bızdıŋ bügıngı el jastarynyŋ äleumettık bet-beinesıne qarap, bolaşaǧymyzdy ärtürlı boljauǧa bolady. Bıreu aitar: «Jastary­myz jalqaulyqtan ada, öz kü­nın köre alady. Üide kompiuter qū­şaq­tap jatqandarynan, eŋbek­ten­genderı dūrys. Keleşekte de kez kelgen qiyndyqqa tötep bere alatyn bolady» dep. Al, ekınşı jaqtaǧylar: «Jastar bılım emes, aqşa ızdep jür. Kündelıktı küibeŋ tırşılıkke boiūsynǧan olardyŋ sanasyn tūrmys bilep tūr. Bola­şaǧymyz būlyŋǧyr» deitın bolar. Kım ne dese de, eŋ bastysy, elı­mızdıŋ erteŋgı bolaşaǧy bügıngı jastardyŋ bılıktılıgı men sanaly äreketterıne bailanysty. Kezınde AQŞ prezidentı Dj.Kennedi «Bızge özımızde eşqaşan bolmaǧan dünieler jaily armandaityn jastar kerek» degen. Al, bızdıŋ jas­tar Qazaqstannyŋ damuy jolyna öz maqsat-mındetterın ūştastyra otyryp, oǧan jastaiynan bar qarym-qabıletterın jūmsai­tyn­dyqtaryna senımdımın.

Daniiar QAIYRTAEV,
EŪU studentı

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button