Astana qalasy Tötenşe jaǧdailar departamentı Jergılıktı polisiia qyzmetımen bırlesıp, su qoimalarynda tötenşe jaǧdailardyŋ aldyn aluǧa baǧyttalǧan tüsındıru jūmystaryn jürgızude.
Är demalys saiyn tūraqty ötetın şaranyŋ maqsaty – jazǧy şomylu mausymynda qauıpsızdık erejelerın tūrǧyndarǧa eskertu. Jaz bolsa, oquşylardan bastap ülkenderge deiın suǧa şomylǧandy jany süiedı. Keide osy demalystyŋ soŋy qaiǧyly jaǧdaiǧa ūlasyp jatatyny jasyryn emes. Sondyqtan, elordalyqtar üşın jyl saiyn şomylatyn jerlerde qauıpsızdık pen qūqyqtyq tärtıptı qamtamasyz etudıŋ ıs-şaralar jospary äzırlengen. Ol boiynşa qūtqaruşylar halyqqa sudaǧy qauıpsızdık şaralaryn tanystyryp, suǧa tüsetın oryndarda qalai tärtıp saqtau kerektıgın tüsındırude.
Demalys künı ūiymdastyrylǧan şaraǧa 1500-ge juyq tūrǧyn qatysqan. Sonymen qatar, şara barysynda Qazaq GZU aumaǧyndaǧy köpırler men «Gazmaşapparatura» audany täuekel aimaqqa jatatyny anyqtaldy. Osyǧan bailanysty ol jerlerge tyiym salatyn jäne eskertetın 30-ǧa juyq belgı qoiyldy.
