Syrdyŋ äsem sazy
Biyl Qyzylorda oblystyq filarmoniiasyna – 40 jyl. Būl öner ūjymynyŋ negızgı maqsaty Syr elınıŋ mädenietı men önerın damytu, halyqty ruhani tärbieleu jäne öner ielerınıŋ jaŋa buynyn qalyptastyru boldy.
Būrnaǧy künı «Bäiterek» halyqaralyq media-ortalyǧynda Qyzylorda oblystyq filarmoniiasynyŋ mereitoiyna arnalǧan baspasöz konferensiiasy öttı. Oǧan atalǧan filarmoniianyŋ direktory Talǧat Maqaşov, Tūrmaǧanbet atyndaǧy halyq aspaptar orkestrınıŋ dirijerı Keulımjai Botabaev, QR eŋbek sıŋırgen ärtısı Külän Qalymbetova qatysty. Filarmoniia direktory Maqaşov jurnalisterdı özderınıŋ bügıngı atqaryp jatqan jūmystarymen tanystyrdy. Qazır filarmoniia qūramynda Tūrmaǧanbet atyndaǧy halyq aspaptar orkestrı, «Aqmeşıt» folklorlyq ansamblı, «Syr samaly» vokaldy-aspapty ansamblı, «Tomiris» bi ansamblı, «Oşaǧan» äzıl-syqaq otauy, «Tūran» vokaldy-estradalyq triosy, «Būraŋ bel» bi ansamblı men «Jankent» aspapty duetı tabysty jūmys jasauda. Būlar osy uaqytqa deiın Qazaqstannyŋ barlyq oblystarynda jäne Reseidıŋ Orynbor qalasynda öner körsetken.
Sondai-aq, beisenbı künı L.Gumilev atyndaǧy Euraziia ūlttyq universitetınde Tūrmaǧanbet atyndaǧy halyq aspaptar orkestrınıŋ konsertı öttı. Al erteŋıne Syr saŋlaqtarynyŋ öner keşı Qazaq Ūlttyq öner universitetımen bırlese ūiymdastyrǧan konsertke ūlasty.
Hamit ESAMAN