Memleket basşysy N.Ä.Nazarbaevtyŋ «Qazaqstan-2050» strategiiasy: qalyptasqan memlekettıŋ jaŋa saiasi baǧyty» atty Joldauy bolaşaǧymyzdy baǧdarlap, ūstanymymyzdy aiqyndap berdı.
Osy joldauda belgılengen basty baǧyttardyŋ bırı – käsıpkerlıktı – ūlttyq ekonomikanyŋ jetekşı küşın jan-jaqty qoldau. Būny jüzege asyrudyŋ bır joly strategiialyq emes sipattaǧy käsıporyndar men qyzmetterdı jeke qolǧa beru, iaǧni jekeşelendıru qajettıgın, būl – otandyq käsıpkerlıktı nyǧaitu üşın asa maŋyzdy qadam ekenı atap körsetıldı.
Astana qalasy memlekettık mülık jäne jekeşelendıru departamentı elordada QR Qarjy ministrlıgı Memlekettık mülık jäne jekeşelendıru komitetınıŋ aumaqtyq bölımşesı bola tūra, basty tapsyrmalardyŋ jäne baqylau-qadaǧalau funksiialarynyŋ bırı – memlekettık zaŋdy tūlǧalardyŋ memlekettık mülıktı maqsatqa sai jäne tiımdı paidalanuyn qamtamasyz etudı ıske asyruda. Būl oraida Departament memlekettık basqaru organdary – ministrlıkter men olarǧa qarasty ūiymdarmen bırlesıp, ärdaiym respublikalyq memlekettık zaŋdy tūlǧalarǧa bekıtılıp berılgen memlekettık mülıktı, olarǧa jüktelgen basqaru qyzmetın atqaruǧa arnalǧan aktivterdı paidalanuy turaly monitoring jürgızıp otyrady.
Nätijesınde paidalanylmaityn üi-jai, qūral-jabdyqtar esepke alynyp, jeke jäne memlekettık emes zaŋdy tūlǧalarǧa jalǧa jäne senımgerlık basqaruǧa berıledı. Būl, bırınşıden, olardyŋ, äsırese jeke käsıpkerlerdıŋ käsıpterın damytuyna, sondai-aq öz ısterın jaŋa bastap jatqan käsıpkerlerge aiaqtan tūruyna köp kömegın tigızse, ekınşıden, respublikalyq biudjetke tüsetın salyqtyq emes tüsımderdı arttyruǧa mümkındık berude.
Ötken jyly osy maqsattarda respublikalyq memlekettık zaŋdy tūlǧalardyŋ qoldanylmaityn artyq üi-jailaryn jäne mülıkterın jalǧa beru arqyly respublikalyq biudjetke 600 million teŋge şamasynda salyqtyq emes tüsımder tüsse, aǧymdaǧy jyldyŋ bırınşı toqsanynda tüsken tüsımder 117 million teŋgenı qūrady. Jalǧa jäne senımgerlık basqaruǧa berılgen nysandardyŋ jalpy sany 333-ke jettı. Jalǧa aluşylar ashana, şaştaraz, dämhana, gazet-jurnal jäne kıtap düŋgırşekterı, temır jol jäne avia-biletter kassalary, dükender, şeberhanalar, taǧy basqa käsıpterın ūiymdastyrǧan. Osy şaralar respublikalyq biudjetke qosymşa salyqtyq emes tölemderdıŋ tüsuın qamtamasyz etıp qana qoimai, sonymen qatar, jalǧa aluşylar ūiymdastyrǧan jūmys oryndarynyŋ arqasynda halyqty jūmyspen qamtuǧa jäne jūmyssyzdyqty azaituǧa äserın tigızude.
Elbasy joldauynda äleumettık mäselelerge airyqşa toqtalyp, 2020 jylǧa qarai balalardy mektepke deiıngı bılım beru jäne tärbiemen 100 paiyz qamtuǧa qol jetkızu mındetın qoidy. Astana halqynyŋ kün saiyn eselep ösuıne bailanysty būl mäsele äsırese elorda jūrtşylyǧy üşın özektı mäselege ainalyp otyrǧany barşaǧa mälım. Būl tapsyrmany oryndau maqsatynda qazırgı künı Departament mamandarymen 2011 jylǧy 31 nauryzdaǧy Qazaqstan Respublikasy Ükımetınıŋ №335 qaulysyna säikes Astana qalasynyŋ aumaǧyndaǧy 100-ge juyq memlekettık mekemeler men käsıporyndardyŋ jedel basqaru jäne şaruaşylyq jürgızu qūqyǧyndaǧy jyljymaityn mülık nysandaryna tekseru jūmystary jürgızılude. Osy jūmystardyŋ qorytyndysy boiynşa anyqtalǧan artyq nemese qoldanylmaityn üi-jailardy balabaqşalar men şaǧyn ortalyqtar aşuǧa jäne jekşelendıruge beru közdelude.
Elbasy Joldauynda ünemı joǧary män beretın memlekettık qyzmetter körsetudıŋ sapasyn arttyruǧa, iaǧni azamattarǧa memlekettık qyzmetterdı tiımdı jäne jedel türde körsetuge erekşe nazardy audaru qajettıgın Departament ūdaiy nazarda ūstaidy.
S. QABDUALİEV,
Astana qalasy memlekettık mülık jäne jekeşelendıru departamentınıŋ bas mamany