Tabysty yntymaqtastyq jalǧasady
Bügın Aqordada Qazaqstan Respublikasynyŋ Memlekettık hatşysy, QR Prezidentınıŋ janyndaǧy Äielder ısı jäne otbasy-demografiialyq saiasat jönındegı Ūlttyq komissiianyŋ töraiymy G.Äbdıqalyqova BŪŪ balalar qorynyŋ (IýNİSEF) Qazaqstandaǧy ökılı Iý.Oksamitnyimen kezdestı.
Memlekettık hatşy Iýrii Oksamitnyidy lauazymǧa taǧaiyndaluymen qūttyqtap, Qazaqstan men IýNİSEF arasyndaǧy tabysty yntymaqtastyqtyŋ jalǧasatynyna senım bıldırdı. G. Äbdıqalyqova älemdegı jäne Qazaqstandaǧy balalardyŋ jaǧdaiyn jaqsartudaǧy IýNİSEF-tıŋ maŋyzdy rölın, sondai-aq BŪŪ-nyŋ damu maqsatyndaǧy kömek körsetu jönındegı negızdemelık baǧdarlamasyn (IýNDAF) oryndau boiynşa elımızdegı memlekettık organdardyŋ belsendı jūmysyn atap öttı.
IýNİSEF-pen özara bailanys arqyly jäne 2010-2015 jyldarǧa arnalǧan eldık baǧdarlamanyŋ aiasynda otbasy men qoǧamnyŋ äleuetın nyǧaitu, äleumettık jäne basqaru saiasatyn äzırleu, äleumettık qorǧau jüiesın jetıldıru boiynşa ıs-şaralar tabysty jüzege asyryluda. Baǧdarlama basymdyqtarynyŋ bırı Oŋtüstık Qazaqstan jäne Şyǧys Qazaqstan oblystarynyŋ, būǧan qosa Semei synaq alaŋy men Aral aimaǧyndaǧy balalardyŋ jaǧdaiyn jaqsartu bolyp tabylady.
BŪŪ-nyŋ balalar qūqyqtary boiynşa komitetınıŋ ūsynymdaryn oryndau boiynşa Ükımet tarapynan iuvenaldyq iustisiia jüiesın damytu, balalar eŋbegın qanaudyŋ aldyn alu, jetım qalǧan balalardy otbasy tärbiesınıŋ balamaly türlerın engızu, mügedek balalarǧa airyqşa qajettı zattarmen qamtamasyz etuge baǧyttalǧan şaralar qabyldanuda.
Kezdesuge qatysuşylar balalardy qorǧaudyŋ özektı mäselelerın, bılım, densaulyq saqtau jäne äleumettık damu salalaryndaǧy yntymaqtastyqtyŋ aldaǧy keleşegın talqylady.