Astanadaǧy «Barys City» tūrǧyn üi keşenınıŋ ekınşı qabattaǧy päterdıŋ balkonynan ört şyqty.
Elordalyq TJD baspasöz qyzmetı mälım etkendei, Ört söndıru qyzmetıne bügın saǧat 08.28-de Tūran daŋǧylyndaǧy «Barys City» tūrǧyn üi keşenınde ört bolyp jatqany turaly habar kelıp tüsedı. Oqiǧa ornyna jetken ört söndıruşıler ekınşı qabattaǧy päterdıŋ balkony janyp jatqanyn anyqtady.
«Qatty tütın boldy. Jedel jäne üilesımdı ıs-qimyldyŋ nätijesınde qūtqaruşylar tūrǧyndardy evakuasiialauǧa kırıstı. 16 adamdy evakuasiialady. Onyŋ 6-uy – bala. Saǧat 09:10-da ört söndırıldı, zardap şekkender joq. Ört 20 şarşy metr aumaqty şarpyǧan. Örttı söndıruge 12 qyzmetker men 3 tehnika jūmyldyryldy» dep habarlady Astana qalalyq TJD baspasöz qyzmetı.
Tılsız jau uaqytyly qūryqtalyp, adam şyǧyny oryn alǧan joq.
