Memleket jäne qoǧam qairatkerı Jūmabek Täşenevtıŋ 100 jyldyq mereitoiyna orai Ūlttyq akademiialyq kıtaphana men Memleket tarihy instituty bırlesıp, «El tūtastyǧy jolyndaǧy küresker tūlǧa» taqyrybynda ǧylymi-täjıribelık konferensiia ötkızdı. Şaraǧa elordalyq ziialy qauym ökılderı men kıtaphana oqyrmandary qatysty.
Qazaq KSR Joǧarǧy Keŋesı töralqasynyŋ jäne Ministrler Keŋesınıŋ töraǧasy qyzmetterın atqarǧan Jūmabek Ahmetūly el aumaǧynyŋ tūtastyǧyn saqtauǧa köp eŋbek sıŋırdı. Respublikanyŋ ekonomikalyq jäne öndırıstık jobalarynyŋ qarjylandyryluyna üles qosty. Ötken ǧasyrdyŋ 50-60-jyldarynda J.Täşenevtıŋ qoǧamdyq qyzmetı gumanistık sipatqa ie boldy, ol quǧyn-sürgınge ūşyraǧan qazaq ziialylaryn aqtau jönındegı jūmystardy basqardy.
Basqosu aldynda köpşılık tūlǧaǧa arnalǧan «Däuır darabozy» (änı: Amangeldı Şaharbaev, sözı: Qanat Otarbaev) atty ändı tyŋdady. Sodan keiın Memleket tarihy institutynyŋ jetekşı ǧylymi qyzmetkerlerı S.Düisen men Q.Eŋsenov qūrastyrǧan «Qazaqtyŋ qaisar qairatkerı – Jūmabek Täşenev» atty kıtap tanystyryldy.
Konferensiiada memleket jäne qoǧam qairatkerı, Ūly Otan soǧysynyŋ ardagerı Saǧyndyq Kenjebaev baiandama jasap, J.Ahmetūlymen dos bolǧandyǧyn, onyŋ ömırı men qyzmetıne qatysty keibır jailardy äŋgımeledı. Qairatkerdıŋ ūly Saian Täşenev äkesınıŋ «Qalyŋ jūrttyŋ ışınen kiımıŋmen emes, bılımıŋmen erekşelen» degen ösietın esıne aldy. «Ol kezde men bala edım, köp närsenı tüsınbeitınmın. Al qazır äkemnıŋ ne ıstegenın, kım üşın küreskenın jaqsy bılemın. Ol – öz elın, öz halqyn süigendıkten, köp jaqsylyq jasady jäne sol qasietımen bızge ülgı boldy» dedı Saian.
Şara barysynda baiandama jasaǧan ǧalymdar J.Täşenevtıŋ ömırı, jūmysy, bastamaşyldyǧy jaiynda jan-jaqty aityp öttı. Solardyŋ ışınde Soltüstık Qazaqstan oblystyq memlekettık mūraǧatynyŋ direktory, tarih ǧylymynyŋ kandidaty Säule Mälıkova Ūlystyŋ ūly künı qarsaŋynda Petropavl qalasyndaǧy qazaq mektebıne qairatkerdıŋ esımı berıletının jäne eŋselı eskertkış qoiylatyndyǧyn süiınşıledı. Aqyn, «Alaş» halyqaralyq syilyǧynyŋ laureaty Serık Tūrǧynbekūly J.Täşenevtıŋ qūrmetıne Astana qalasyna jäne tuǧan jerı – Arşaly audanyna eskertkış qoiu qajettıgın alǧa tartsa, L.Gumilev atyndaǧy Euraziia ūlttyq universitetı Euraziia ǧylymi ortalyǧynyŋ direktory, professor Ziiabek Qabyldinov Qazaqstan tarihy oqulyǧynan tūlǧaǧa arnalǧan tarau aşyp, keiıngı buynǧa qoǧam qairatkerın tereŋınen bıluge jaǧdai jasau qajettıgın aitty.
Ashat RAIQŪL
