Elımız «Därıger» atty mobildık qosymşany ıske qosty. Osy jobany jūrtşylyq androidtyq telefondarǧa «Gugl plei» arqyly köşırıp alyp, kez kelgen syrqattyŋ anyqtamasyn, alǧaşqy belgılerı men emdeu joldaryn qazaq jäne orys tılderınde därıgerdıŋ kömegınsız-aq bıle alady.
QR Densaulyq saqtau ministrlıgınıŋ departament direktory Beibıt Esenbaevtyŋ aituynşa, būl – halyqqa qosymşa medisinalyq aqparat beretın kömekşı qūrylǧy. Onda qai aurudy qalai emdeuge bolatyny turaly tolyqqandy mälımet engızılgen. Sonymen qatar mobildık nūsqanyŋ jadynda türlı kesıldıŋ aldyn aluǧa qatysty paidaly keŋesterdı de oquǧa bolady.
