Qazaqstandyq mänerlep syrǧanauşy Denis Ten Avstriianyŋ Gras qalasynda ötken Icechallenge turnirınde qatarynan ekı ret jeŋımpaz atandy. Alǧaşqyda ol qysqa baǧdarlama boiynşa 88,19 ūpai jinap, reseilık Gordei Gorşkov (66,56 ūpai) pen aidyn iesı Viktor Pfaiferden (64,32) basym tüsken edı.
Al erkın baǧdarlama boiynşa bızdıŋ jas sportşymyz 173,19 ūpai jinap, ekınşı märte qarsylastarynan oq boiy ozyp kettı. Būl joly da ol Viktor Pfaifer (134,09) men daniialyq Iýstus Stridtı (131,87) qapy qaldyrdy.
Denis būǧan deiın İtaliiada ötken halyqaralyq Merano Cup turnirınde japondyq Daisuke Murakami (222,89) men jergılıktı atlet Paolo Bachinidı (189,07) artqa qaldyryp, 231,12 ūpaimen altynǧa qol jetkızgen bolatyn.
Halyqaralyq sarapşylar Denis Tendı Sochide ötetın oiyndarda bızdıŋ ümıtımızdı aqtaityn bırden-bır sportşyǧa balap otyr.
Esterıŋızge salaiyq, Tennıŋ Kanadada ötken älem bırınşılıgınde alǧan kümıs jüldesınen keiın aldaǧy aq olimpiadaǧa ūlttyq qūramamyzdyŋ ekınşı sportşy jıberuge mümkındıgı bar.
