Elbasynyŋ Jarlyǧymen qyrküiek aiynyŋ üşınşı jeksenbısı Qazaqstan halqynyŋ tılderı künı bolyp belgılendı. Osyǧan orai Astana qalasynda biyl Tılder festivalı XVI ret şymyldyq aşty.
Atalǧan festival qalada 5 qyrküiek künı saltanatty türde aşylyp, belgılengen baǧdarlamalar aiasynda «Üzdık jarnama», «Tıl – halyq janyn tanudyŋ kıltı», «Memlekettık tıl – memlekettık qyzmette» baiqaulary, jas aqyndar müşairasy, «Otan – otbasynan bastalady» atty merekelık ıs-şara, «Kemel tıldıŋ keleşegı» aksiiasy ötkızıldı. Sonymen qatar, qaladaǧy memlekettık, qūrylymdyq mekemelerde, balabaqşa, mektep, mädeniet, densaulyq, kölık salasy mekemelerınde köptegen ıs-şaralar ūiymdastyryluda.
Qazaq tılı özınıŋ memlekettık märtebesın 1989 jyly 22 qyrküiekte Qazaqstan Respublikasynyŋ «Tıl turaly» zaŋy qabyldanǧannan keiın alǧan edı. Osy şirek ǧasyrlyq mereitoiǧa orai 22 qyrküiekte festivaldıŋ gala-konsertı ötedı. Atalǧan merekelık ıs-şarada tıl turaly tolǧamdar aitylyp, Q. Quanyşbaev atyndaǧy memlekettık akademiialyq Qazaq muzykalyq drama teatry ärtısterınıŋ qatysuymen qoiylymdar körsetıledı. Elımızge tanymal – Marjan Arapbaeva, Dosymjan Taŋatarov, İbragim Eskendır siiaqty taǧy da basqa änşıler özderınıŋ äsem änderın ūsynady.
Dumandy keşke ziialy qauym ökılderı, QR Parlament Mäjılısınıŋ jäne Astana qalalyq mäslihatynyŋ deputattary, ardagerler men memlekettık mekemeler, ūlttyq-mädeni ortalyqtar, memlekettık tıl qozǧalysy, «Qazaq tılı» qoǧamy, ükımettık ūiymdar basşylary, jastar qauymy şaqyrylyp otyr.
Saǧi ORAL
