Q.Quanyşbaev atyndaǧy memlekettık akademiialyq Qazaq muzykalyq drama teatrynda Tılderdı damytu basqarmasy «Otan otbasynan bastalady» atty merekelık şara ötkızdı.
Oǧan ūlaǧatty ūltyn, mereilı memleketın süietın ūrpaq tärbielep jürgen önegelı otbasylardy därıptep, nasihattau maqsatynda 2006 jyldan berı ūiymdastyrylyp kele jatqan «Otan otbasynan bastalady» atty baiqaudyŋ jeŋımpazdary şaqyryldy. Merekelık şarany kırıspe sözben aşqan Astana qalasy Tılderdı damytu basqarmasynyŋ bastyǧy Erbol Tıleşov ūltjandylyq mäselesıne toqtalyp, elorda azamattaryn qazaq tılınıŋ damuyna üles qosuǧa ündedı.
Merekelık şarada tanymal aqyn S.Düisenǧazin jiylǧan jūrtşylyqqa jyryn arnady. Q.Quanşybaev atyndaǧy memlekettık akademiialyq Qazaq muzykalyq drama teatry akterlerı Tahaui Ahtanovtyŋ «Küşık küieu» qoiylymynan tıl mäselesıne qatysty tūstarynan üzındı körsettı. Sondai-aq, kielı sahnanyŋ törınde belgılı änşılerdıŋ patriottyq sezımge toly äueletken äsem änıne barşa halyq süisındı.
Quat QİYQBAI
