Tılşı qandai, tırşılık neşık?
«Qazaqtyŋ janyn qyryq qaişymen qidalap, örtep, külın efirge şaşyp jatqan pälenbai kanaldy teledidarlar men radiolar…» dep Tūrsynjan Şapai mäselenı tötesınen qoiǧan kezde äleumettık jelıler şyrt ūiqydatūǧyn. Bügın sol qalǧan küldı facebook-te būrqyldatyp şaşyp oinap jürgen qairan qazaqtyŋ jurnalisterı!.. Osy oi – ülken ūiym qūryp, ūlttyŋ ızdeuşısı men sūrauşysyna ainalǧan, özı bırneşe gazet-jurnal şyǧaryp otyrǧan ärıptestıŋ äleumettık jelıdegı paraqşasyn oqyp otyrǧanda keldı. Ötken 31 mamyr saiasi quǧyn-sürgın qūrbandaryn eske alu künı qarsaŋynda sol ärıptesımız paraqşasyna «būl künı toi jasap, bi bileudı doǧaraiyq degendı jylda aitamyz, bıraq nätije az. Qajet bolsa osy künı barşa 17,5 million qazaq bır minut ortaq ünsızdık jariialau kerek» dep jazdy. Nietı dūrys, oryndaluy olaq jazbany oqyǧan soŋ: «Sız aityp otyrǧan sandyq mälımet jalpy qazaqstandyqtardyŋ sany şyǧar, tūtas dünie jüzındegı qazaqtyŋ basyn qosqanda 15 millionǧa äzer jetemız» dep säl eskertu jasap edık, post iesınıŋ talaǧy tars aiyryldy. «Maǧan jön sıltemei-aq qoiyŋdarşy!» Jaraidy dedık ıştei, «özım jemegen kötenışek boǧymen pıssın». Bıraq äleumettık jelılerdegı osyndai «asqaq» ambisiia, kündelıktı ömırdegı betekı kezdesıp jatatyn türlı ıster köŋılıŋdı tolqytpai qoisyn ba, «öz sözım özımdıkı» dep qalam ūstaisyŋ…
«Bızdı on jyl
būrynǧy leksiiasymen oqytty»
Elge aty mälım oqu ornynda jurnalistika mamandyǧy boiynşa bılım alyp, endı sol bılgenı men tüigenı boiynşa telearnalardyŋ bırın jaǧalap jürgen ınışek bar edı. Özı äjepteuır aqyn, öleŋderı jürektı terbeidı. Anda-sanda kezdesıp, şüiırkelesıp qalamyz. Sol ınışek bırjolǧy äŋgımesınde: «Bızdıŋ bır aǧai bızdı on jyldyŋ aldyndaǧy leksiiasymen «ūzaq» oqytty» dep mūŋyn şaǧyp edı. «Nege?» deimız ǧoi baiaǧy bärın tüsınıp, bılıp tūrsaq ta qaitara saual
qoiyp. «Oi, şäkırtterıne jany aşymaidy ǧoi, äitpese, ızdenıp, daiyndalyp, «osylar bırdeŋe bılse eken» degen kısı söitıp süle-sapa auditoriiaǧa bas sūǧa ma? Aǧaidyŋ aldynda jūlma-jūlmasy şyǧyp jatatyn paraqtar qai däuırden berı «ūly ūstazben» joldas ekenın äigılep tūratyn. Äi, sol kısınıŋ nege sonşa küiınbeitının tüsınbeimın» deidı baiǧūs közderı japaq-japaq etıp. Jūmysqa endı-endı aralasa bastaǧanda eldıŋ de, özınıŋ de qor bolǧan uaqyty esıne tüsıp, jıbergen kemşılıkterı aldynan kese-köldeleŋdei berse kerek. Nalymai qaitsın endı. «Qazanşynyŋ erkı özınde» bolǧan zamanda «anabır arnada prodiusermın, anabır baǧdarlamanyŋ jürgızuşısımın. Jurnal aşyp, gazet şyǧaryp jatyrmyn» dep, bıtırgen tügı joq bolsa da keudesın keretınderdıŋ su ışken bastauynyŋ basynda sondai bır «ūstazdyq qylyp, üiretuden jalyqqan» jan otyrǧan şyǧar…
«Bızdıŋ jurnalister künıne alty bet
jazady…»
Ötken qysta däm aidap, Astana qalasyna qonys audardyq. Qystyŋ közı qyrauda kım jyly-jūmsaǧyn aldyŋa tösep, qarsy alady deisıŋ. Jan-jaqqa şapqylap, «ekı qolǧa
bır kürek» ızdep jürgende, erterek osynda kelıp ornyqqan dos jıgıttıŋ kömegıne köp jügındık. Aqyl-keŋesın de aiamady. Bırde sol dosym:
– Osyǧan habarlasşy, jurnalister ızdep jatqan körınedı. Aitysyna qaraǧanda täjıribelı adam bolsa, tıptı öz ornyna qoiatyn sekıldı, – dep qolyma telefon nömır jazylǧan qaǧazdy ūstatty.
– Būl qandai jūmys eken?
Öz orny degen qandai oryn eken, – dedım men de bır jūmystyŋ şetı körıngenge quanyp.
– Jeke jurnal. Bıraq aqşasy jaqsy dep estıgem. Özı – sol jurnaldyŋ bas redaktory. Sözdı köbeitpei, söilesıp körseŋşı, – dep dosym asyǧys jūmysyna kettı. Men de otyrmadym, jaŋaǧy nömırge qoŋyrau şaldym. Jas äiel
telefon köterdı. Jön-jaiymdy aittym. Az-maz tanysudan keiın jūmys mäselesıne köşken telefonnyŋ arǧy jaǧyndaǧy kısım:
– Būl jurnaldyŋ şyǧyp jatqanyna bırer jyl bop qalǧan edı. Qarjysyn özımız tabamyz, bıraq qazırgı jaǧdaiy jaman emes. Bızge keregı täjıribelı maman bop tūr. Sızdıŋ jaǧdaiyŋyzdy bılmeimız ǧoi endı, – dedı sypaiygerşılık tanytyp.
– Qandai jaǧdaiymdy? – dedım men de anyǧyn bılgım kelıp.
– Jūmys ısteu täjıribeŋız, bılımıŋız degendei.
– A-a-a… Endı būǧan deiın bıraz gazet-jurnaldarda jūmys ıstep keldım, az da bolsa täjıribem bar dep oilaimyn.
– Bylai ǧoi, bızdegı jurnalister öte bılımdı, künıne alty bet jazady.
– Alty bet?
– İä, köbınde ülken kısılerden sūhbat alady. Sony aityp tūrmyn ǧoi, künıne alty bet jazady, – dedı jas äiel dausy al-
dyŋǧydai emes, zıldene şyǧyp. Jurnalisterdıŋ deŋgeiın terımşılıkpen ölşeitın bas redaktorsymaqtyŋ qylyǧy jynymdy keltırıp tūrsa da ädeiı qitūrqy saualymnan jazbadym.
– Sonda olar künıne Word-pen alty bet jaza ma?
– İä, Word-pen alty bet jazady. Ne degen tüsınbeitın adamsyz. Sız qalai jūmys ıstemekşısız özı? Qarapaiym närselerdıŋ özın tüsınbeidı ekensız. Jaraidy, sau bolyŋyz, – dep telefon tūtqasyn tastai saldy.
– Sau bolyŋyz, – dedım men de qūtyrǧannan qūtylyp. Keşke dosym telefon soǧyp, jūmystyŋ jai-japsaryn sūrady.
– Olarǧa jurnalister emes, terımşı kerek eken, – dedım.
– A-a-a… onda adam alyp qoiǧan boldy ǧoi, basqasyn körersıŋ.
– İä, basqasyn körermın, nietıŋe rahmet, – dep erıksız bır jymiyp aldym… Ūstaǧannyŋ qolynda, tıstegennıŋ auzynda ketken qairan gazet-jurnaldar!..
Yrysbek DÄBEI