Biz Ūlystyŋ ūly küni qarsaŋynda ūlttyq kiim-keşek, oiynşyqtar, kädesyilar, tūrmystyq zattar jäne taǧy basqa töl tauarlarymyzdy qanşalyqty tūtynyp jürmiz degen saualǧa jauap izdep kördik…
Tūrsynjan ŞAPAI,
jazuşy, ädebiet synşysy:
– Halyqtyŋ ūlttyq būiymdary mädeniet tarihynan erekşe oryn alady. Qazir ūlttyq dünieler jasaityn zerger, şeberler köp. Bizdiŋ üide dombyra, kädesyi-şoqparlar, kiizden jasalǧan būiymdar, qamşy, aǧaş ydystar, astau bar. Keŋes ükimeti tūsynda ädemi tostaǧandar, aǧaş qasyqtar bolatyn. Negizi, aǧaş ydystar ekologiialyq jaǧynan taza bolyp keledi. Biraq, būlar keŋ qoldanysta emes. Qazir ūlttyq būiymdardy paidalanuǧa eşkim tyiym salmaidy. Ūlttyq zattardy yqylasyna, za-manǧa üilestire biluine qarai qoldanuǧa bolady. Ūlttyq örnekpen ärlen-gen kiimder kiip, qazaqy oiudyŋ örnegi bar äsemdik būiymdaryn taǧyp jüretinderdi baiqaimyn. Sondai-aq, qazir bizdiŋ dizainerler de ülken izdeniste. Tikken kiimderiniŋ işinde ūlttyq naqyştyŋ belgileri körinis berip otyrady.
Ūlttyq būiymdardyŋ jarnamasyn, nasihatyn arttyru arqyly är qa-zaqtyŋ üiinde tūratyndai jaǧdai jasau kerek. Eger nasihatyn arttyrsaq, käsipkerlerdiŋ ūlttyq būiymdary da tezirek öter edi.
Qazir kez kelgen qazaq atqa minip jatqan joq. At äbzelderinen göri maşinanyŋ saimandaryn jaqsy biledi.
Negizi, ūlttyq kädesyilar ūlttyq mereke men keşegidei halyqaralyq därejedegi olimpiadalyq oiyndar kezinde ǧana köptep satylymǧa tüsedi. Basqa kezde şetelden keletin turister ǧana satyp aluy mümkin.
Aişagül JÜRKENOVA,
Gumanitarlyq kolledj studenti:
– Qazir ūlttyq būiymdarǧa qyzyǧatyndar köp. Men de salpynşaq syrǧa men oiulanǧan bilezik, jüzik taqqandy qatty jaqsy köremin. Äsirese, şaşy ūzyn qyzdar şolpy taǧyp jürse, qandai ädemi bolar edi.
Ertedegi arulardy jazuşylar kitapta surettegen kezde, olar maǧan hor qyzyndai elesteidi. Sondyqtan qazaq qyzdary aşyq-şaşyq kiingennen göri, şaştaryn ösirip, qypşa belderin qynai qazaqy belbeu taǧyp jürse, qandai ädemi?! Men şeberdiŋ qolymen jasalǧan zergerlik būiymdardy jinaimyn. Äsirese, köneniŋ közindei ertedegi zattar maǧan öte ūnaidy.
Küläş SAMALHAN,
«Altyn alqa» iegeri:
– Qazaqtyŋ ūlttyq būiymdary – halyqtyq qoldanbaly önerimizdiŋ ǧana emes, bükil ūlttyq mädenietimizdiŋ asyl qazynasy. Bala kezimizde äke-şeşemiz mal şaruaşylyǧymen ainalysqandyqtan, ünemi köşip-qonyp jüretin edik. Qonǧan jerimizge kiiz üi tigetinbiz. Sol kiiz üidi äsemdeu bizge jükteletin. Al, qazir jaŋa jylda şyrşany jyltyraqpen bezen-dirip, törge ornatu är otbasynda dästürge ainaldy. Onyŋ ornyna eŋ bolmaǧanda, nauryz aiynda är üidiŋ körneki jerinde ūlttyq naqyştaǧy būiymdar oryn tapsa, būl da bolsa nauryz meiramynyŋ säni bolar edi. Jas kezimizde bir aptada eki tüskiiz tigetinbiz. Anamyz ūnatpaǧan tüskiizderdi sögip, qaita tikkizip qoiatyn. Biz balalyqpen renjitinbiz. Keiin sonyŋ nätijesin kördik. Ana tärbiesiniŋ mänisin özimiz balaly bolǧanda jaqsy tüsindik.
Al, qazir qalai? Qazir qolönerden ada ūrpaq ösip keledi.
Büginde el naryǧynyŋ basym böligin batystyŋ tauarlary, atyşuly kompaniialardyŋ önimderi qamtidy. Şaharymyzdyŋ sauda-sattyq salasynda da özge eldiŋ tauarlary köp. Degenmen, özim ara-tūra qūraq qūrap, taqiia tigip tūramyn. Olardy merekege orai, balalarǧa, tuystarǧa syilaimyn.
Ardaq JŪMAŞEVA,
«Şeber» salonynyŋ satuşysy:
– Bastapqy kezde ūlttyq būiymdar öte me, ötpei me, olardy qaidan alamyz degen oi mazalady. Biraq, biz oilaǧandai emes, ūlttyq naqyştaǧy dünielerge jūrttyŋ sūranysy erekşe bolyp şyqty. Ainalamyzǧa şeberler jinala bastady. Olardyŋ qolynan şyqqan dünielerdi satyp aldyq. Sondai-aq, satyp aluşylardyŋ da talǧam-talaptaryn eskerdik. Jaŋa būiymdardyŋ pişinin syzyp, jasalatyn materialyn körsetip, tapsyrystar beretin boldyq. Tūtynuşylardyŋ köpşiligi jergilikti töl tuyndylardy sūraidy eken. Sol sebepti, bir būryşty är öŋirdiŋ qolöner şeberleri men suretşilerdiŋ būiymdaryna arnadyq. Bizdiŋ dükendegi kartinalar, sändik tabaqtar, gobelender – özinşe bir älem. Türli ädispen jasalǧan ūlttyq būiymdardyŋ tüpnūsqasynyŋ baǧasy qymbat. Özimizge ūnaǧan nemese ötedi-au degen osyndai erekşe dünielerdi körsek, satyp alamyz. Al, mūndai dünieler «qymbat» dep satyp almasa, ol salon säni bolyp tūra beredi. Qaltaly qazaqtar jelmen jarysqan tūlparlardyŋ, qypşa bel, qolaŋ şaşty arulardyŋ qoldan qaşalǧan müsinderine köptep tapsyrys beredi. Sondyqtan, qazir ūlttyq būiymdar qoldanysqa enip keledi deuge bolady.
Erkejan KÖPTILEUQYZY
