Astana qalasynyŋ äkımdıgı men «Astana Innovations» AQ-nyŋ bırlese ūiymdastyruymen «Saryarqa» respublikalyq velotrek ǧimaratynda «Astanalyq hakaton» atty IT-jobalarynyŋ jarysy öttı.
Būl şara 2012 jyly mamyr aiynda tūŋǧyş ret ötkızılıp, oǧan 100-den asa adam qatysqan bolatyn. Biyl da osynşa ümıtker baq synady.
Saiyskerlerdıŋ jas şamasyna eşqandai şekteu qoiylmaǧan. Olarǧa qoiylǧan talap – täulık ışınde aqparattyq tehnologiialar salasynda belgılı bır jobany ūsynyp, ıske asyru. Şart boiynşa baǧdarlamaşylar, dizainerler men jobalauşylar, IT-marketologtar özderınıŋ IT-jobalaryn jasaidy.
Jarystyŋ syiaqy qory byltyrǧydai – 1 million teŋge. Jıktep aitqanda, «Astana Innovations» AQ taǧaiyndaǧan ol jülde qorynyŋ 500 myŋ teŋgesın «İnnovasiialyq ideialardy damytuǧa järdem» komandasy, 300 myŋ teŋgesın «Nano ATS», al, 200 myŋ teŋgesın «Kodtyŋ 50 joly» toby jeŋıp aldy. Medialyq qoldau atalymynda «Yvision» blog-platformasynan «KazTaksi» men «Özgerıs.kz» komandasy top jarsa, «Nano ATS» komandasy yntalandyru syilyǧy retınde özınıŋ IT-önımıne «Konsalt-İnfo NS» kompaniiasynan tapsyrys aldy. Al, «Nexus» planşetı Vsevolod Leonov pen «Embarcadero» men «Cheap Taxi» komandalaryna berıldı.
Sondai-aq, «C.A.P.» taldau jäne boljau ortalyǧy» qoǧamdyq qorynyŋ arnaiy demeuşılıgımen «IT-bastamalardy qoldaimyz» taqyryby aiasynda memlekettık tıldı damytudy közdeitın qazaqtıldı üş jobaǧa qosymşa 300 myŋ teŋge syiaqy berıldı. Onyŋ 150 myŋy «Kodtyŋ 50 joly» jobasyna būiyrsa, ekınşı oryn alǧan «Pernebäige» men «KazTaksi», üşınşı oryn alǧan «AstanaAR» ärqaisysy 50 myŋ teŋgeden ielendı. Mūndaǧy maqsat – aqparattyq tehnologiialar salasynda qazaqtıldı jastardyŋ belsendılıgın arttyru. Osyǧan orai, www.startupkoldau.kz veb-portaly da aşylǧan bolatyn. Ol jerden jas käsıpkerlerdıŋ ideiasyn tiianaqtap, jaryqqa şyǧaru üşın tiıstı keŋester men tegın hosting aluyna bolady.
«Jalpy, bız «Smart Astana» bastamasy aiasyndaǧy üzdık jobalarǧa qoldau jasaudy közdeimız. Jeŋımpazdardy bızdıŋ mekeme özınıŋ biznes inkubatoryna qosyp, şeteldık venchurlyq qorlarmen jūmys jasap, qarjylai jäne marketing jaǧynan kömek körsetedı» deidı «Astana Innovations» AQ servistık-tehnologiialyq qoldau departamentınıŋ jetekşısı Batyrbek Däuıtbaev.
Söitıp, zamanaui igılıkterdıŋ «jılıgın şaǧyp, maiyn ışken» innovatorlar, baǧdarlamaşylar jäne IT salasynda eŋbek etetın jastardyŋ ozyq oily ideialary men jüielı jobalary elordamyzdyŋ ömır süru sapasyn arttyruǧa arnalǧan jaŋaşyldyqtaryn ortaǧa saldy. Talapkerlerge Qazaqstannyŋ eŋ täjıribelı mamandary men mentorlary kömektestı.
«Endı eŋ ūtqyr innovasiialyq tehnologiialar men şeşımderdı «Smart Astana» – «aqyldy qala» jobasy aiasynda astanalyqtardyŋ tūrmysyna engızetın bolamyz» deidı ūiymdastyruşylar.
