TÖRT MYŊ ADAM JÜGIRDI
«Jerūiyq» saiabaǧynda «Men, sen, ol, bärımız – salauatty elmız» ūranymen densaulyq festivalı öttı. Oǧan 4 myŋnan astam elordalyq qatysty. Būqaralyq şarany ūiymdastyruşylar – Astana qalasynyŋ äkımdıgı, Densaulyq saqtau basqarmasy jäne Salauatty ömır saltyn qalyptastyru ortalyǧy.
Biylǧy festival jappai jügıruden bastaldy. Oǧan qatysqan 4 myŋnan astam adam Jūmabaev köşesımen ekı şaqyrymdai jügırıp, «Jerūiyq» saiabaǧynda jinaldy. Būl jerde olar voleibol, arqan tartu jäne estafeta saiystaryna qatysyp, salauattylyqtyŋ ülgısın körsettı. Al «Densaulyq qalaşyǧynda» därıgerlerden tegın keŋes alyp, densaulyqty tekserıp şyǧuǧa bolady. Aksiia aiasynda köpşılık qazaq estradasy jūldyzdarynyŋ gala-konsertın tamaşalady. Jarys jeŋımpazdaryn marapattau räsımı de saltanatymen erekşelendı.