Astanalyq toǧyz jasar şahmatşy – Bibısara Asaubaeva Älem bırınşılıgınde törtınşı märte altyn alqalady.
Biylǧy chempionat grek şyǧanaǧyndaǧy Halkidide öttı. «Qatysqan 52 qazaqstandyqtyŋ arasynda tek Bibısara ǧana toǧyz mümkındıkten 8,5 ball jinap, top jardy. 2011 jyldan berı jas şahmatşy Polşada, Braziliiada jäne Rumyniiada ötken älem chempionatynda üş ret üzdık şyqqanyn da aita ketken jön.
Bibısara Asaubaeva 2010 jyldan berı Astana qalasyndaǧy H.S.Omarov atyndaǧy şahmat klubynda tälım alyp keledı. Jeke jattyqtyruşysy Azamat Äubäkırov jas qyzdyŋ talantyna süisınıp, maqtan etetının jasyrmady: «Bibısaranyŋ būl alǧaşqy üzdık şyǧuy emes, ol mūndai bas jüldenı būdan būryn da üş ret jeŋıp alǧan. Jeŋıske degen qūştarlyǧy zor, öte eŋbeksüigış. Jalyqpai-talmai jattyǧuynyŋ arqasynda osyndai biık märtebege ie bolyp jür».
Bibısaranyŋ altynyna qosa, saiysqa qatysqan qazaqstandyq jas şahmatşylar medalder men marapattarǧa ie boldy. Atap aitsaq, özınıŋ älem chempionatyndaǧy debiuttık öner körsetuınde Ämina Qaiyrbekova jetı jasqa deiıngı sanatta kümıs medal alsa, 15 jasar Janat Saiyn qolaǧa qol jetkızdı».
Erbol JANAT
