Juyrda Aqordada Memlekettık rämızder jönındegı respublikalyq komissiianyŋ otyrysy bolyp öttı. Onda, memlekettık organdar elımızdıŋ rämızderıne qatysty zaŋ būzuşylyqtar boiynşa BAQ, qoǧamdastyq ökılderınıŋ nemese deputattardyŋ qalai äreket etetının kütıp otyrmauy kerektıgı, zaŋnama nenı talap etse, sony jasauy qajet ekendıgı aityldy…
Biık mınberlerden mındetteletın mūndai kezektı tapsyrmaǧa nazar audarmas ta edık, bır ≪bıraǧy≫ ışıne bügulı bolmaǧanda. ≪Elbasy N.Nazarbaev öz sözınde ≪Bız Täuelsızdıgımızdıŋ rämızderın közdıŋ qaraşyǧyndai saqtauymyz kerek. Elımızdıŋ ärbır azamaty Qazaqstannyŋ Tuy, Eltaŋbasy, Änūranyn erekşe qūrmetteuge mındettı. Öitkenı, olar bızdıŋ eŋ kielı qūndylyqtarymyz≫ dep atap ötken bolatyn≫ – dedı komissiia töraǧasy Memlekettık hatşy Mūhtar Qūl-Mūhammed söilegen sözınde. Endeşe, erek qūrmetke ie qasterlımızdı qadırleu kerektıgı nelıkten bızge (Qazaqstan halqyna dep oqyŋyz – N.M) ≪täit≫ körmegen baladai täptıştep tüsındırıle beruı kerek?! Būl – saiyp kelgende, bızdıŋ täuelsız el ekenımızge sendırıp otyru- men bırdei dünie sekıldenedı. Öitkenı, rämızderımız – sol Täuelsızdıgımızdıŋ bırden-bır dälelı siiaqty edı ǧoi?!
…Baǧzy jaugerşılık zamandarynda är qalyŋ qoldyŋ arasynda tu köterıp jüretın arnaiy jauynger bolady eken. Ony ≪bairaqtar≫ depataǧan. Sol tu kötergen adamnyŋ tört jaǧynda tört oqqaǧar-nökerı bolady eken. Qandaima ūrys bolmasyn, baryn berıp, janyn berıp, älgıler bairaqtardy qorǧaǧan. Öitkenı, ≪tu qūlady degenşe, jaudan jeŋıldım deseŋşı≫ degenge saiatyn ūǧym bolǧan. Äm äldebır sakraldy maǧynaǧa tek tu emes, eltaŋba da ie-tūǧyn. Märtöbe, Ordabasy, Kültöbedegı jiyndardyŋ aiǧaǧy ≪Taŋbaly tasqa≫ rular taŋbasy bekerden-beker qaşalmasa kerek-tı. Al, ūrannyŋ tylsym qūdıretın, ≪iia, äruaq≫ desken är qazaq bıletın şyǧar, tegınde. Ata babalarymyzǧa ūltty bügınde qazaq qalpynda osy uaqytqa amanattauǧa bırden-bır sebepşı de osy üşeuı – Tu, Taŋba, Ūran bolsa kerek-tı.
…Ilgerıdegı sarkazmnyŋ taby baiqalatyn ritorikalyq saual- darymyz da, aldymen, özımızge baǧyttalǧan bolatyn. Äitpese, atalǧan tapsyrmalardyŋ qandai jaǧdaiiattardan tuyndap otyrǧanyn bıledı dep oilaimyz, qūlaǧy türık oqyrman. Äitpese, ≪tu qūlady degenşe, el qūlady deseŋşı…≫
Nūrbergen Maqym
