Äsima BİMENDİNA, Astana qalasy Bılım basqarmasynyŋ bastyǧy:
– Äsima Temkeqyzy, mıne, 2013 jylǧy soŋǧy qoŋyraudyŋ syŋǧyryn estitın kün de jettı. Jalpy, būl oqu jylyn Astana mektepterınıŋ tülekterı qai deŋgeide aiaqtady?
– Jalpy, är oqu jylynda özındık özgerıster bolyp jatady. Mıne, biyl taǧy da kezektı oqu jyly aiaqtalyp otyr. Bır erekşelıgı, Astana qalasynyŋ mektepterı oqu jyldaryn jaqsy nätijemen tüiındep keledı. Bızdıŋ elorda mektepterı ärqaşan da qalamyzdyŋ märtebesıne sai boluǧa mındettı. Sol senım üdesınen şyǧyp ta jür.
– Jergılıktı bilık oquşylardyŋ mamandyq taŋdau jaǧynan qatelespeuın eskerıp, bırneşe igı şaralardy qolǧa aldy ǧoi. Qazır sonyŋ nätijesınde negızgı qajettılıkterdıŋ öteletın türı baiqala ma?
– İä, bügınde mektep tülekterınıŋ mamandyqty dūrys taŋdau jolyna baǧyttalǧan igı jūmystar köptep jürgızılude. Mysaly, mektep psihologtary men mūǧalımderı synyp saǧattarynda oquşylarǧa aqparattyq tüsındıru şaralaryn ötkızumen qatar, saualnama jürgızedı. Sol saualnamada är oquşynyŋ qabıletı, yntasy, belgılı bır mamandyqqa degen beiımdılıgı aiqyndalady. Sonymen qatar, qala kolledjderınde de käsıpke baulu maqsatynda ötkızılgen «Aşyq esık künderı» ıs-şarasynda mektep tülekterı bolaşaq mamandyqtaryn igerıp jatqan studenttermen kezdesıp, olardan baǧyt-baǧdar alyp jür.
– Osy oraida eŋ aldymen mekteptegı oqulyq sapasy da maŋyzdy röl atqarady desek, osy bır dauly mäselenıŋ şeşılu joldary qalai bolyp jatyr?
– Astana qalasynyŋ Bılım basqarmasy jyl saiyn oqulyqtar, oqu-ädıstemelık jäne körkem ädebietter satyp aludy josparlaǧan kezde, eŋ aldymen Bılım jäne ǧylym ministrlıgınıŋ būiryǧymen bekıtılgen jalpy bılım beretın mektepterge paidalanuǧa ūsynylatyn tızbelerdı basşylyqqa alady. Barlyq oquşylardy kıtaptarmen jäne oqu-ädıstemelık keşendermen tegın 100 paiyz qamtamasyz etu jergılıktı biudjet arqyly jürgızılude.
– Al, elorda jastarynyŋ halyqaralyq keŋıstıkte tanyluyna jyl boiy qandai jaǧdailar jasaldy?
– 2012-2013 oqu jylynda barlyq deŋgeidegı respublikalyq jäne halyqaralyq olimpiada, ǧylymi, intellektualdyq jarystarǧa Astana qalasynyŋ 86 myŋ 663 oquşysy qatarynan 23 myŋ 276-sy qatysty. Jekelep aitar bolsaq, Respublikalyq olimpiada qorytyndysy boiynşa qalamyzdyŋ oquşylary biyl da jalpy komandalyq 1-oryndy ielenıp, barlyǧy 53 jüldelı oryndarǧa (11 altyn, 17 kümıs, 25 qola medaldar) ie boldy. Astana qalasynyŋ oquşylarynan qūralǧan komandaǧa «Eŋ üzdık komanda – 2013» ataǧy berıldı. Būl joǧary märtebenı astanalyq oquşylar komandasy 2006 jyldan bastap ielenıp keledı. Al, halyqaralyq yntymaqtastyqty damytu maqsatynda Amerika, Äzerbaijan, Rumyniia, Resei, Türkiia, Gruziia, sol siiaqty taǧy basqa alys jäne jaqyn şet elderde ūiymdastyrylǧan olimpiadalar men ǧylymi baiqaularda bızdıŋ oquşylar 120 medaldy qorjynyna saldy. Onyŋ 40-y – altyn, 35-ı – kümıs jäne 45-ı – qola medal.
– Jön eken. Sonymen qatar, Memleket basşysynyŋ «Qazaqstan-2050» Strategiiasy: qalyptasqan memlekettıŋ jaŋa saiasi baǧyty» Joldauyn jüzege asyru üşın qolǧa alynǧan eŋ maŋyzdy jūmystaryŋyz qandai?
– Prezident Joldauynda mektepke deiingi bilim berudiŋ jaŋa ädisterine köşu kerektıgı aitylyp, «basty mindet – «Balapan» baǧdarlamasyn jüzege asyru» delıngen. Ärine, būl mäsele boiynşa jaŋa balabaqşalar aşyldy. Būrynǧy balabaqşalar janynan qosymşa qūrylys salu jaǧy da öz jalǧasyn tabuda. Būl tūrǧydan alǧanda, 14 balabaqşa ǧimaraty qaitaryldy. Tūrǧyn üiler men balabaqşalar janynan 20 şaǧyn ortalyq aşylyp, jūmys jasauda. Sol siiaqty, jeke balabaqşalarǧa memlekettık tapsyrystar qabyldanyp, jüzege asyryldy. Qazır balalardyŋ balabaqşamen qamtylu deŋgeiı 61,9 paiyzdy qūraidy. Mysaly, 2006 jyly memlekettık balabaqşalar sany 37-aq bolsa, 2013 jyly ol körsetkış 73-ke deiın ösıp otyr.
Oquşylardy tärbieleu baǧytynda atqarylyp jatqan ıs-şaralarǧa qalamyzdyŋ ükimettik emes ūiymdaryn tartyp, solarmen bırlesken jūmystar jüzege asyryluda.
Joldauda atap körsetılgen qaşyqtan oqytudy jäne on-lain rejiminde oqytudy qosqanda, Astanadaǧy otandyq bilim beru jüiesine innovasiialyq ädisterdi, şeşimderdi jäne qūraldardy qarqyndy engizu boiynşa bırqatar auqymdy ıster atqaryldy. 2009 jyldan berı Bılım basqarmasynyŋ janyndaǧy jergılıktı interaktivtık studiia jūmys jasaidy. Osy arqyly on-lain rejimınde ädıstemelık kömek körsetu maqsatynda pändık sabaqtar, seminarlar men jinalystar jürgızılıp, köptegen jergılıktı organdardyŋ qatysuymen taqyryptyq ıs-şaralar ötkızıledı.
– Özıŋız käsıbi pedagog retınde elordalyq mektep ūjymdarymen jüzdesıp tūratyn şyǧarsyz? Sondaida ūstazdar qauymy men oquşylar tarapynan sızdı taŋqaldyrǧan sätterdı eske tüsırıp körıŋızşı!
– Ärine, bılım salasyn basqaryp otyrǧandyqtan, būl – basty mındet. Sız aitqandai, özım pedagog bolǧandyqtan, mektep ūjymdaryndaǧy innovasiialyq, tehnologiialyq jetıstıkter menı de qyzyqtyrady. Pedagogikalyq ūjymdarmen jäne mektep tülekterımen jiı kezdesu ötkızıp tūramyn. Sonda, oquşylardyŋ: «elordamyz – Astanamen bırge ösıp, qalanyŋ jyldan-jylǧa güldenıp, örkendeuıne öz ülesterımızdı qosyp jatyrmyz» degen sözderı qatty quantty. Menı balalardyŋ Otanyna degen patriottyq sezımderınıŋ joǧary boluy, ärqaisysynyŋ mamandyqtar boiynşa maqsatty taŋdauyn jasai bıluı de qyzyqtyra tüstı. Sonymen bırge, biyl mektep bıtırgelı otyrǧan oquşylardyŋ 90 paiyzy joǧary oqu oryndaryna tüsuge talap tanytyp otyr. Olardyŋ «Qazaqstanda memlekettık tıl – qazaq tılı bolǧandyqtan, onyŋ deŋgeiın köteruge baǧyttalǧan ıs-şaralar köp jürgızılse», «tıl üirenu otbasyndaǧy tärbieden bastalatyndyqtan, nasihattau jūmystary, körnekı aqparattyq jarnamalar jiı körsetılıp tūrsa» degen oi-nietterı jandünieme öte keremet äser qaldyrdy.
– Älgınde ǧana biyl balabaqşalardyŋ sany 73-ke jetkendıgın tılge tiek ete kettıŋız ǧoi. Endı, memlekettık jäne päter ışınen aşylyp jatqan jekemenşık balabaqşalardyŋ artuy mäselesı jönınde ne aitar edıŋız?
– Şynymen de memlekettık balabaqşalarmen qatar, päter ışınen aşylyp jatqan jekemenşık balabaqşalardyŋ sany da jyl saiyn artuda. Onyŋ bır tiımdı tūsy – mektepke deiıngı ūiymdarǧa oryn tapşylyq mäselesın şeşuge oŋ yqpalyn tigızıp, kadrlar da jaŋa jūmys oryndarymen qamtamasyz etıledı. Būl jönınde aitarym – osy.
– Äŋgımeŋızge rahmet!
Qysqa-nūsqa
– 63 jasqa deiın qyzmet atqaruǧa daiynsyz ba?
– Būl saualyŋyzǧa bylai jauap berer edım: aldymen adam balasyna tynbai eŋbek etu üşın densaulyq kerek. Densaulyǧym jaqsy bolyp jatsa, özımnıŋ maŋdai terımmen jinaǧan eŋbektegı bar täjıribem men bılım-bılıgımdı öskeleŋ ūrpaqtyŋ igılıgı üşın ärı qarai paidalansam deimın.
– Basyŋyzdan ötken bır qyzyqty oqiǧaŋyz…
– Basymnan ötken qyzyqty oqiǧam… Ol kezde bız otbasymyzben Reseide tūratynbyz. Sonda, iaǧni 14 jasymda körşı balalarmen «Jüzık salu» oiynyn oinaitynbyz. Oiynnyŋ erejesı boiynşa ışıŋnen bır tılek tıleuıŋ kerek. Al, menıŋ sol kezde oilaǧanym – Qazaqstannyŋ astanasynda ömır süru edı. Sol armanym 30 jyldan keiın bır-aq oryndalyp, bügınde elordada baqytty ǧūmyr keşıp jatqan jaiymyz bar.
– Retı kelgende bükpesız şyndyqty aita alasyz ba?
– Adam balasy ärqaşan şyndyqpen ömır süru kerek! Sondyqtan menıŋ ömırdegı eŋ bırınşı ūstanymym – tek qana şyndyqty aitu.
– Ötırıktı şe?
– Joq, ötırık aitu dūrys emes dep sanaimyn.
– Sızdıŋ hobbiyŋyz ne?
– Menıŋ hobbiım – kıtap oqu. Onyŋ ışınde qazaq, orys jäne şetel jazuşylarynyŋ, atap aitqanda, A.Qūnanbaev, F.Oŋǧarsynova, A.Chehov, Ş.Aitmatov, D.Golsuorsi eŋbekterın süiıp oqimyn. Al ärqaşan janymnan tabylatyn kıtap – Elbasymyz Nūrsūltan Äbışūlynyŋ «Halyqtyŋ oiymen bölısemın» atty eŋbegı.
– Eŋ erekşe quanǧan sätıŋız?..
– Men üşın eŋ quanyşty sät – nemerelerımnıŋ düniege keluı. Odan asqan baqyt joq-au, sırä?!.
– Ökınışıŋız bar ma?
– Ökınış degenımız – myna synaptai syrǧyǧan uaqyttyŋ zymyrauy der edım. Bıraq, älı de bolsa otbasym üşın, elımız üşın köptegen ısterdı jüzege asyra bergım keledı.
Erkeǧali BEISENOV