Köpşılıktıŋ nazaryn audarǧan XVII Halyqaralyq «Şabyt» şyǧarmaşyl jastar festivalı 3 qaraşa künı bastalǧan bolatyn. Türlı baǧyttaǧy talantty jastardyŋ basyn qosqan būl baiqauda jyr süier qauym asyǧa kütken «Üzdık ädebi şyǧarma» atalymy boiynşa alǧa ozǧan aqyndar anyqtaldy.
Astana qalasy äkımdıgınıŋ ūiymdastyruymen ötken dübırlı dodaǧa qatysuǧa talap bıldırgen 150 ümıtker festival şymyldyǧyn türgenge deiın qazylar alqasy 100 şaiyrdy ırıktep aldy. Biylǧy baiqaudyŋ būrynǧydan özgeşelıgı qatysuşy jastardyŋ jyrlary Ädebiet portalynda aşyq jariialanyp, oqyrmandar ūnaǧan aqynǧa dauys beruge mümkındık aldy. Sūryptalǧan jüzden jüirık şyqqandardyŋ esımı beisenbı künı belgılı boldy.
Qazylar alqasynyŋ töraǧasy, Qazaqstan memlekettık syilyǧynyŋ iegerı Ūlyqbek Esdäulet jeŋımpazdardy anyqtaǧanda, keibır aqyndarǧa kelgende ǧana pıkırtalas tuǧany bolmasa, töreşılerdıŋ oilary bır jerden şyqqanyn, tıptı, oqyrman pıkırlerın de eskergenın aityp, «būl baiqau talanttardyŋ keleşegıne jol aşady» dep jas aqyndarǧa sättılık tıledı.
Sonymen, biylǧy «Şabyt» şyǧarmaşyl jastar festivalınıŋ «Üzdık ädebi şyǧarma» atalymy boiynşa Gran-pri jüldesı Türkıstannan kelgen talantty jas aqyn Batyrhan Särsenhanǧa būiyrdy. Al, jüldelı 1-oryndy Oljas Qasym, 2-oryndy tarazdyq Hamit Esaman, 3-oryndy qaraǧandylyq Jadyra Baibūlanova ielendı.
Sondai-aq, halyqaralyq konkurstyŋ arnauly syilyqtarymen 7 aqyn marapattaldy. Astana qalasy äkımdıgı belgılegen QR Halyq jazuşysy Fariza Oŋǧarsynova atyndaǧy arnaiy syilyqty Äliia Iŋkärbek jäne Naǧima Ötepova atyndaǧy arnaiy syilyqty Kalişa Jaqypova aldy.
«Qazkontent» AQ «Ädebiet portaly» İnternet-jobasy taǧaiyndaǧan Ämırhan Balqybek atyndaǧy arnaiy syilyǧynyŋ iegerı – Bekzat Smadiiar, Äbdılda Aimaq atyndaǧy arnaiy syilyǧynyŋ iegerı – Şerhan Talap.
Sonymen qatar, «Foliant» baspasynyŋ Käkımbek Salyqov atyndaǧy arnaiy syilyǧyna Dinara Mälık, «Ūlt» portalynyŋ Töleujan Smaiylov atyndaǧy arnaiy syilyǧyna Nūrjan Qadyrälı, «Jūldyz» jurnalynyŋ Ǧafu Qaiyrbekov atyndaǧy arnaiy syilyǧyna Saian Esjan ie boldy.
Basqa atalymdardyŋ jeŋımpazdarymen qatar «Üzdık ädebi şyǧarma» atalymynyŋ jüldegerlerı bügın Beibıtşılık jäne kelısım saraiynda ötetın saltanatty jabylu keşınde resmi türde marapattalady.
