TūrsynbekQABATOV, Astana qalasy köŋıldı tapqyrlar teatrynyŋ direktory: MEN — SAHNADAN ASABALYQQA EMES, ASABALYQTAN TEATRǦA KELGEN ADAMMYN

Osydan on jyl būrynǧy Tūrsynbek pen qazırgı Tūrsynbektıŋ aiyrmaşylyǧy bar ma?
Janar, Astana qalasy

Nege bolmasyn. Auylǧa barsam, «Öi, sen baiaǧyda özımızben oinap-külıp jüretın Tūrsynbek edıŋ, ündemeitın bolyp qalypsyŋ. Jūldyz auruyna şaldyǧaiyn degensıŋ be?» deidı. «Kökem-au, men auyldan 19 jasymda ketken bala emespın be?». Bala kezıŋde ainalaŋdaǧylardyŋ külgenıne mäz bolyp, auzyŋ tynbai söilei beresıŋ. Qazır bır üidıŋ otaǧasymyn, äkemın. Oilanyp söileitın jasqa jettık. Sondyqtan, menı özgertken tanymaldylyq deseŋızder, qatelesesızder.

Tanymaldylyq sızge ne berdı?
Balnūr İBRAGİM, mektep oquşysy

Baiandy degen önerde bırge jürgen dosym bar. Veterinariia fakultetın bıtırgen. Sonyŋ «Diplomyŋyz ne berdı?» degen saualǧa «Tört jyl oqyp alǧan diplomym 15 myŋ teŋge körımdık ji- nap berdı» degenı bar edı. Jasyrmaimyn, tanymaldylyqtyŋ kündelıktı küibeŋ tırlıkte paidasy tiıp jatady. «Sen Tūrsynbek emessıŋ be?» dep, bar mäseleŋdı şeşıp beruge daiyn tūrady. Keide özge öŋırlerge jolymyz tüse qalǧanda «Moiny juan» jıgıtterdıŋ özı «Ei, sen älgı KVN-daǧy jıgıt emessıŋ be?» dep qol berıp jatady.

Soŋǧy kezderı öner adamdaryna syn aitudyŋ soŋy bırın–bırı sotqa süireuge jiı ūlasatyn bolyp jür. Sız syndy qalai qabyldaisyz?
Maral Esırkepqyzy, student

Synnyŋ aitylǧany dūrys şyǧar. Keide jürekke tietın orynsyz syndar da bolady. Jasyratyny joq, bıraz synǧa ūşyradyq. Bız turaly jazǧan bükıl gazet-jurnaldardy jinap oqyp şyǧatynmyn.

Bıreuı konsertımızdıŋ «Bazar joq» degen atauyna, ekınşısı «Tūrsynbek tym tez söileidı, «aha» degen sözdı jiı qaitalaidy» dep, üşınşısı «Äzılderı qazan-oşaqtyŋ ainalasynan ūzap şyqpaidy» dep synapty. Sosyn tez söileitın ädetten arylyp, jäi söileuge köştım. Beinetaspalardy qarap otyrsam, «Aha» degen sözdı bır-aq qoiylymda qaitalai bergen ekenmın. Qadalǧany osy bolsa, būdan keiın mülde aitpai-aq qoiaiyn dep şeştım. Qazan-oşaq taqyrybyn alyp tastap, odan joǧarylau deŋgeidegı äzılge köştık. Mıne, är 3-4 ai saiyn bır konsert berıp otyrmyz. Biyl qala künı qarsaŋynda toǧyzynşy konsertımızdı josparlap otyrmyz. Halyq būǧan deiıngılerın jaqsy qabyldady. Syn sap tyiyldy. Bıraq, bır qyzyǧy, bırde-bır basylym «konsertterıŋ ke- remet öttı» dep jazyp jatqan joq.

«Tūrsynbek asabalyqqa tapsyrys alyp, köŋılı soqpasa barmai qoia salady eken» deidı. Būl qanşalyqty ras?
Ainūr, jurnalist

Qalai aitsam eken… Osy özge asabalar kımge ötırık aitty, kımdı sazǧa otyrǧyzyp kettı,onymen halyqtyŋ jūmysy joq. Al bızdıŋ jürısımız, tūrysymyz, söilesımız bärı äŋgıme. Būl tanymaldylyqtyŋ ziiandy tūsy endı. Qaita maǧan būryn eşkım tanymaityn kezımde toi jürgızu äldeqaida jeŋıl bolatyn. Bır kezderde älgındei jailardyŋ bolǧany ras. Bıraq, eşkımnıŋ aqşasyn jep ketkenım joq, qaitaryp berdım.

Öitkenı, bara almauymnyŋ sebepterı tboldy. Qazır şynymdy aitsam, jeltoqsan aiyna deiıngı senbı, jeksenbınıŋ bırde-bıreuınde bos emespın, tapsyrys alyp qoiǧam. Halyq almasyma qoimaidy. Eger qala basşylyǧy tarapynan sol künderı maŋyzdy konsertterdı,

merekelık şaralardy jürgızu tapsyrylyp jatsa, amal joq, toidan bas tartamyn dep, bärıne o bastan eskertemın. Bıraq, men eşuaqytta däl toi künı bara almaitynymdy aityp, toi iesın äure-sarsaŋǧa tüsırgen kezım bolǧan emes. Kemınde 2-3 ai būryn eskertemın.

Moiyndau kerek, jas kezde talai närse boldy. Jastyqpen aşy sudan ūrttap qoiasyŋ. Işıp otyrǧan adam uaqyttyŋ qalai ötkenın bıluşı me edı? Ol kezde ūialy telefon atymen joq. Esıŋdı jinaǧanda, toi bastalyp ketedı. Qazır aşy sudan tatyp almaimyn. Tfä-tfä, ondai jauapsyzdyqqa salynǧan kezım bolǧan joq.

 
«Bazar joq» degen ataudy basqaşa

etıp qoiuǧa bolmas pa edı?
em>Almas JAQSYLYQOV, student

Teatr «Astana köŋıldı tapqyrlar teatry» dep atalady. Al, «Bazar joq» – konserttıŋ atauy. Būl ataumen teatr qūrylmai tūryp konsert ötkızıp jürgenmın. Osydan ekı jyl būryn teatrdyŋ aşylu saltanaty kezınde bız köşelerge «Astana köŋıldı tapqyrlar teatrynyŋ» konsertı dep jarnama ıldık. Konsertke üş kün qalǧanda kassadan jetı-aq bilet öttı. Sodan bır tünnıŋ ışınde bükıl jarnamany jyrtyp, «Astana köŋıldı tapqyrlar teatrynyŋ aşyluy», «Bazar joq» konsertı dep özgerttık.

Konsert künı kassanyŋ aldynda bilet ızdep jürgen halyqta esep joq. «Bazar joq» atauy halyqqa būrynnan tanys. Sondyqtan, būl atau reitingımızdı köteru üşın qajet boldy. Bolaşaqta «Bazar joq» atauyn mülde alyp tastap, «Astana köŋıldı tapqyrlar teatry» dep şyǧatyn bolamyz.

 
Sızdıŋ teatrdyŋ ärtısterı parodiia jasauda nege 4-5 keiıpkerdıŋ töŋıregınen ainalyp şyqpaidy?
Jazira ÄLIMQYZY

Basynda özımız de nege osylardy ainalyp şyqpai qaldyq dep oilaǧanbyz. Söitsek, joǧarydaǧylardyŋ köbısınıŋ dausyn bılmeidı ekenbız ǧoi. Bırde bıreuı söilemeidı eken. Bar bılerımız, sol 4-5 jan. Kım ekenın halyq bırden döp baspasa, onyŋ nesı parodiia? Bırde jurnalister bolsa kerek, İmanǧali aǧamyzdan «Sızdı jıgıtter jiı parodiiaǧa salyp jür ǧoi» dese, «Parodiiaǧa salyp jatsa, demek halyq menı jaqsy tanidy degen söz. Al, parodiiany jasaǧan adamdy naǧyz öner adamy der edım» degen eken. Bıraq, ökınıştısı, bızde parodiiany dūrys qabyldaityn mūndai kısıler az. Köbısı mazaq etu dep tüsınedı.

Sızdı myqty asabalardyŋ bırı deidı. Toi jürgızu şeberlıgıŋız şynynda myqty ma, älde halyq sızdı tanymal bolǧanyŋyz üşın şaqyra ma?
Aiym BİDOSOVA, Astana qalasy

Men sahnadan asabalyqqa ketsem, toiǧa tanymaldylyǧym üşın şaqyrady deuıme bolar edı. Bıraq, men asabalyqtan sahnaǧa kelgen adammyn. Men toi jürgızdım eken dep, sahnany tastamaimyn. Sahnada jürmın eken dep, toidan da bas tartpaimyn.

«Tūrsynbek, Tūrsynbek, Qabatov Tūrsynbek…» deitın ännıŋ avtory kım?
Gülden İSAEVA

Astanalyq dosym, belgılı kompozitor Qairat Baekenovke osy tärızdı än şyǧarsaq dep äuenın «Tūrsynbek Tūrsynbek….» degen sözge salyp, yŋyldap bergenmın. Ertesıne studiiasyna şaqyryp tūr. Barsam, «Dabyl» tobynyŋ jıgıtterı, Qalqaman Sarin, Dos, Meiırjan Älıbekov bärı jinalyp, ändı jazyp ta ülgerıptı. Qyzyǧy sol, menıŋ «Tūrsynbek, Tūrsynbek» degen sözımdı qaiyrmasy etıp sol qalpynda qaldyrypty.

 
Sahnany tastap, basqa salaǧa ketıp qalǧyŋyz keletın kezder bola ma?
Marat, Astana qalasy

Ondai sät boldy. Bırde internet betınen «D.Mäkejan» degen jurnalistıŋ bız jaiynda jazǧansyn pıkırın oqydym. Jerden alyp, jerge salypty. Menı önerden endı ketpestei etken osy maqala boldy.

Sebebı, maqalanyŋ astyna 300-dei adam pıkırın qaldyrypty. Bärı – menıŋ jaǧymda. Maqaladaǧy syn pıkırlerdıŋ tas-talqanyn şyǧarǧan. Qysqasy, menı sahnada alyp jürgen halyqtyŋ osyndai ystyq yqylasy.

Eldı küldırude aldyŋyzǧa jan salmaisyz. Özıŋızdıŋ jan–tänıŋızben kületın kezderıŋız jiı kezdese me?
Maqsat, mektep oquşysy

Bıraz jyl būryn Qazaqstan telearnasyndaǧy «Daraboz» degen baǧdarlamaǧa qatysqanym bar. Bırde poiyzda kele jatyp, şaǧyn stansiialardyŋ bırıne toqtadyq. Söitsem, älgı auylda tek «Qazaqstan» telearnasy körsetedı eken. KVN «ORT» telearnasynda, «Bazar joq» «Elarnadan» berıledı.
Jerge tüssem, bıreu janyma jetıp keldı. «Sen älgı, sen älgı… Kım edı?» dep esıne tüsıre almai tūr. «KVN nemese «Bazar joqtaǧy» Tūrsynbeksıŋ» dep aitady eken desem, «Ä-ä-ä, sen älgı «Darabozdaǧy» jıgıtsıŋ ǧoi» deidı jerden jetı qoian tapqandai quanyp. Äi, bır külgenım-ai, sol kezde…

Jazyp alǧan Şynar DOSAN