Bürsıgünı Ortalyq kommunikasiialar qyzmetınde QR tūtynuşylardyŋ qūqyqtaryn qorǧau agenttıgı töraǧasynyŋ orynbasarlary Jandarbek Bekşin men Nūrlan Ūranhaevtyŋ qatysuymen brifing öttı.
Brifingte elımızdegı sanitariialyq-epidemiologiialyq jaǧdai, tūtynuşylyq qūqyqtaryn qorǧau jäne Qazaqstannyŋ ışkı naryǧynda önımnıŋ qauıpsızdıgın qamtamasyz etu mäselelerı aityldy. Sondai-aq, Jandarbek Bekşin biyl respublikadaǧy sanitariialyq-epidemiologiialyq jaǧdaidyŋ tūraqty ekenın aitty.
Ol öz sözınde: «Jyl saiyn memleket infeksiialyq aurulardyŋ aldyn aluǧa qomaqty qarjy bölıp otyrady. Mysaly, soŋǧy 7 jylda tūrǧyndardy infeksiialyq aurularǧa qarsy vaksinasiialauǧa bölınetın qarjynyŋ kölemı 12 esege artyp, 15 mlrd teŋgenı qūrady» dedı. Bekşin balalardy qyzamyqqa qarsy vaksinasiialau qyzylşaǧa jäne epidemiialyq parotitke, b tipındegı gemofildık infeksiiaǧa qarsy aralas vaksinalar qūramynda aralas jürgızıledı jäne pnevmokok infeksiiasyna qarsy vaksinasiialau kezeŋ-kezeŋmen engızıletının aitty.
Sonymen qatar, ötken 5 aidyŋ qorytyndysy boiynşa elımızde qyzylşanyŋ 167 jaǧdaiy tırkelgen eken. Al 2013 jyly mūndai 73 jaǧdai oryn alǧan.
Agenttık epidemiialyq maŋyzy joǧary obektılerge qatysty tekseru toqsan saiyn emes, jarty jylda bır ret, al epidemiialyq maŋyzy ortaşa obektılerge qatysty jarty jyl saiyn emes, jylyna bır ret jürgızıletın bolady. Iаǧni, atalǧan toptar boiynşa josparly tekserulerdıŋ jiılıgın 2 esege qysqartu ūsynylǧan.
Al Nūrlan Ūranhaev agenttıktıŋ basym baǧyttarynyŋ bırı önımnıŋ qauıpsızdıgı men sapasyn qamtamasyz etu jönındegı ıs-şaralar bolyp tabylatynyn söz ettı.
«Agenttık Düniejüzılık banktıŋ järdemdesuımen sanitariialyq-epidemiologiialyq saraptama jäne monitoring ǧylymi-praktikalyq ortalyǧy janynan «Ortalyq Aziia tamaq qauıpsızdıgı» oqytu ortalyǧyn qūrudy josparlap otyr. Ortalyqtyŋ qyzmetı halyqaralyq standarttardy jäne oqytudyŋ bırneşe türın paidalana otyryp, biznes-operatorlardy oqytuǧa, sondai-aq, vedomstvo mamandarynyŋ käsıptık bılımın üzdıksız arttyruǧa jäne praktikalyq daǧdylaryn jetıldıruge baǧyttalatyn bolady» dedı ol.
Sonymen qatar, Nūrlan Ūranhaev aǧymdaǧy jylǧy 7 mausymda Qazaqstan Respublikasy Ükımetınıŋ qaulysymen Tūtynuşylardyŋ qūqyqtaryn qorǧau jüiesın jetıldırudıŋ 2014-2015 jyldarǧa arnalǧan keşendı jospary bekıtılgenın habarlady.
Nūrislam QŪSPANǦALİ
