Būrnaǧy künı qala äkımdıgınıŋ «Astana jastary» ūiymy orta mektepterdıŋ jas mūǧalımderımen kezdesu ūiymdastyrdy.
Şarada atalmyş ūiymnyŋ erıktıler qozǧalysyn damytu bölımınıŋ jetekşısı Elvira Esmūhanova jasy 29-dan aspaǧan ūstazdarǧa byltyr Ükımet qaulysymen bekıtılgen «Qazaqstan 2020: bolaşaqqa jol» memlekettık jastar saiasatynyŋ 2020 jylǧa deiıngı tūjyrymdamasyn ıske asyru jönındegı ıs-şaralar josparyn tüsındırdı.
Jospardyŋ bırınşı kezeŋı 2013-2015 jyldarǧa arnalǧan. Onda jastarǧa qoljetımdı jäne sapaly bılım beru, salamatty ömır saltyn qalyptastyru, qūqyqtyq mädeniettı arttyru, jūmyspen qamtu, qoljetımdı tūrǧyn üi jüiesın damytu, mädeni qūndylyqtarǧa bei-jai qaramauǧa üiretu, jastardyŋ boiynda azamattyq jäne patriottyq sezımderdı özdıgınen damytudy yntalandyru, moraldyq-ruhani baǧdarlardyŋ sabaqtastyǧy, ǧylymi-zertteu jäne ädıstemelık jūmystar, halyqaralyq jastar yntymaqtastyǧy, jastar saiasatyn institusionaldyq küşeitu mäselelerı qamtylǧan.
Osylardyŋ ışıne, qarapaiym tılmen aitqanda, eŋbek naryǧyndaǧy jaǧdaidy saraptap, jastardy soǧan säikes käsıptık-tehnikalyq nemese joǧary bılımge baǧyttau; jas, jaŋaşyl ǧalymdardy yntalandyru; sporttyq nysandardy jastarǧa qoljetımdı qylu; jas otbasylardyŋ tūrǧyn üi alu mümkındıkterın keŋeitu t.b. bügıngı künderı özektı bolyp otyrǧan mäseleler kıredı.
Amanǧali ŞMİTŪLY
