Qala men Sala

Turistık avtobus jürgızuşısı



Elorda köşelerımen kele jatqanda ekı qabatty, qyzyl tüstı, turistık avtobusty közımız şalyp qaldy. Astanada 2016 jyldan berı turisterge qalany aralatyp, aqyly qyzmet körsetetın būl avtobus biyl da köktemgı jūmys mausymyn bastady. «Astana Red Bus Tour» avtobusynyŋ jalǧyz kölık jürgızuşısı Erlan Esemseiıtovtı turistık baǧdar boiynşa bırınşı aialdama, «Bäiterek» monumentı janynda tūrǧanda kezdestırdık. Onyŋ aituynşa, biyl avtobustyŋ turisterdı tasu qyzmetı säuır aiynda bastaldy, endı jūmysy qalyŋ qar tüskenge deiın, iaǧni qaraşaǧa deiın jalǧasady.

Taŋerteŋ 10.00-den keşkı 20.00-ge deiın turister tasityn Erlan Esemseiıtov är baǧdary 2 saǧattyq bır turistık sapar barysynda elordadaǧy 4 körnekı nysannyŋ qasyna 15 minuttai aialdai otyryp, kün saiyn kölık aidaidy. Barlyǧy künıne osyndai 4 marşrut jasaidy.

– Marşrut osy «Bäiterekten» bastalady, bırınşı aialdama «Okenarium», ekınşısı – «Han Şatyr», üşınşısı – Ūlttyq muzei, törtınşısı – Qazaq elı alaŋy, sosyn osy jerge qaityp kelemız. Aldaǧy uaqytta «EKSPO» körmesın, Ortalyq meşıttı jäne Saltanat qaqpasyn, sonymen qatar «Esıl» keme saiahaty stansasyn qosqaly jatyr. Sonda 8 aialdama bolady. Bilet baǧasy – adam basyna 6000 teŋge, 3 jasqa deiıngı balalarǧa tegın, 3-14 jas aralyǧyndaǧy balalarǧa, köpbalaly analarǧa, zeinetkerlerge 50 paiyz jeŋıldık jäne köpbalaly ananyŋ tek bır balasyna aqysyz qyzmet körsetıledı. Biletter osy bırınşı aialdamadaǧy arnaiy düŋgırşekte satylady. Turistık sapar qūny biyl qymbattady. Sondyqtan bolar köbıne būl avtobuspen şeteldık turister saiahattaidy. Ärı olardyŋ bızdı taŋdaudaǧy basty sebebı, avtobusta qala köşelerımen kele jatqanda barlyq ǧimarattardy 8 tılde tanystyratyn audiogid bar, – deidı avtobus jürgızuşısı.

62 oryndyq avtobus ışı äzırge tolyq tola qoimaidy. Jazǧa taman adam qarasy köbeie tüsedı. Qazır eŋ köp degende 40-45 adamdai mınedı.

– Qazırgı taŋda reseilık turister öte köp. Körşı eldegı jaǧdaiǧa bailanysty viza jasata almaǧan soŋ, Qazaqstanǧa kelıp jasatuda. Olardan bölek İtaliia, Malaiziia, Ündıstan elderınıŋ azamattary da keledı. Mausymnan bastap ekınşı ärıptesım jūmysqa şyǧady, sol kezde tüngı 23.00-ge deiın qatynaityn bolamyz. Kölıkte toŋazytqyş bar, kün ysyǧanda sudy özımız beretın bolamyz, su bilet qūnyna kıredı, alaida jeldetkış joq, jazda äsırese, ekınşı qabaty ysyp ketedı, – deidı ol.

Elordaǧa Aqmola Astanaǧa auysqan jyly kelgen kölık jürgızuşısı qazırgı jūmysy janyna jaily, tynyş ekenın aitady. Jalaqysy da salys­tyrmaly türde bırşama joǧary.

 

 

 


Taǧyda

Raihan Rahmetova

«Astana aqşamy» gazetınıŋ şoluşysy

Ūqsas jaŋalyqtar

Back to top button