TYŊ QAZANDYQ TARYQTYRMAIDY
Elordanyŋ ösip-örkendeui, qarqyndy qūrylys jūmystary jäne soǧan säikes elektr quatyn tūtynu kölemi ūlǧaidy. Mäselen, 2000 jyldan 2009 jylǧa deiingi kezeŋde Astanada jylu energiiasyn paidalanu 43 paiyzǧa, al elektr energiiasy 53 paiyzǧa artqan. Bügınde qalanyŋ qoldanystaǧy energiiamen qamtu jüiesiniŋ qajettiligin arttyru uaqyt talabynan tuyndap otyr. Qūrylysy 2008 jyly bastalǧan 2-JEO jaŋa su jylytatyn qazandyq 25 qyrküiekke deiın ıske qosylady dep kütılude. Al jylu mausymy bastalǧanda ol paidalanuǧa berıletın bolady. Ötken aptada Prezident Nūrsūltan Nazarbaev osy strategiialyq nysannyŋ daiyndyq barysymen tanysty.
Būl qazandyq qalanyŋ tūraqty damuyna, sondai-aq elorda aumaǧyndaǧy industriialyq jobalardyŋ örkendeuine serpın beredı. Jobanyŋ jalpy qūny – 33 milliard teŋge. Qazandyqtyŋ közdelıngen quattylyǧy – 480 Gkal-saǧ. Mūnda ornalasqan tört jylytu qazandyǧynyŋ ärqaisysy 120 gigokaloriiǧa teŋ. Osy uaqytqa deiın qala tūrǧyndaryna 70 graduspen ystyq su berılse, aldaǧy uaqytta 150 gradusqa deiın köteruge mümkındık bar. Energetikalyq nysan paidalanuǧa berılgennen keiın, Astanany sapaly jylumen qamtu talaby jaqsaryp, jyluǧa degen tapşylyq azaiatyn bolady.
Jalpy, bas qalada jyl saiyn bırneşe nysandar boi köteredı. Älı salynatyn talai qūrylys jobalary bar. Sondyqtan, jyludan tarşylyq körmeu üşın 2013-2015 jyldarǧa qarai, quaty 240MVt energiiany öndıruge jetetın taǧy bır stansiia salynady. Mūndai auqymdy jobalardy ıske asyru ekonomikalyq jäne äleumettık salalardy damytu üşın de ülken serpın beretını boljalyp otyr.
Gülmira AIMAǦANBET