Keşe elorda äkımınıŋ orynbasary Malika Bektūrovanyŋ qatysuymen şahar basşylyǧy, QR Qarjy ministrlıgınıŋ Memlekettık kırıster komitetı jäne «Uber» kompaniiasy arasynda üşjaqty yntymaqtastyq turaly memorandumǧa qol qoiyldy.
Älemnıŋ 70-ten astam memleketınde qyzmet körsetetın halyqaralyq kompaniia qazaqstandyq naryqqa elordadan bastap kırmek.
Atalmyş qūjatqa säikes, «Uber» tek käsıpkerlık qyzmet subektılerı retınde tırkelgen serıktestermen ǧana jūmys ısteidı. Avtomattandyrylǧan esep aiyrysu jüiesınıŋ arqasynda kompaniia otandyq naryqta jürgızuşıler kırısınıŋ aiqyn boluyna jäne salyqtardyŋ biudjetke tolyq tölenuıne jaǧdai jasaidy.
– Ärine, būl – bız üşın aituly oqiǧa. «Uber» kompaniiasymen köpten berı kelıssözder jürgızıp kelemız, onyŋ Qazaqstan naryǧyna osy Astanadan bastap kıretınıne quanyştymyz. Jüie aiqyndylyǧynyŋ arqasynda şaǧyn jäne orta biznestı damytuǧa qosymşa mümkındıkter aşylyp, memlekettık biudjetke tüsetın tüsımder ūlǧaiady. Al eŋ maŋyzdysy, naryqta taǧy bır älemdık brend bolady, – dedı Astana qalasy äkımınıŋ orynbasary Malika Bektūrova. Onyŋ aituynşa, jolauşylar tasymaly naryǧyna jaŋa kompaniianyŋ enuı elordalyq biznestıŋ damuyna ülken serpın bermek.
«Uber» – paidalanuşylar men jürgızuşı-serıktesterdı bailanystyratyn tehnologiialyq platforma. Mobildı qosymşa arqyly tapsyrys beruşı kısı jürgızuşı men maşinaǧa rezerv qoiyp, onyŋ belgılengen jerge deiıngı qozǧalysyn baqylai alady. «Uber» qarapaiymdylyǧymen, qauıpsızdık talaptarynyŋ
joǧary boluymen, qolma-qol aqşalai tölemderdıŋ joqtyǧymen yŋǧaily. Öz kezegınde startaptyŋ TMD memleketterı boiynşa bas menedjerı Aleksei Stah qazaqstandyqtar kütken qolaily servistı ūsynuǧa uäde berdı.
