Astanada densaulyq saqtau jüiesınıŋ infraqūrylymyn damytuǧa erekşe maŋyz berılıp otyr. Onyŋ ışınde medisina qyzmetkerlerınıŋ äleumettık jaǧdaiyn jaqsartuǧa baǧyttalǧan şaralar atqaryluda. Atap aitqanda, 2020 jyldan berı därıgerlerdıŋ ortaşa jalaqysy 60 paiyzǧa össe, orta buyn mamandarynyŋ jalaqysy 50 paiyzǧa östı. Sondai-aq emdeu mekemelerınıŋ materialdyq-tehnikalyq bazasyn nyǧaitu boiynşa da jüielı jūmystar jürgızılude. Jaqynda ǧana jedel järdem stansasy 55 maşinamen tolyqsa, būǧan deiın 100-den asa arnaiy kölık pen reanimobil berılgen bolatyn. Elorda äkımı Altai Kölgınov medisinalyq mekemelerdıŋ basşylarymen medisinalyq kömektıŋ sapasyn arttyru jäne medisina ortalyqtaryn odan ärı jaraqtandyru mäselesın talqylady. Būl turaly qala basşysy özınıŋ äleumettık jelıdegı paraqşasynda jazdy.
«Osyǧan deiıngı kezdesude medisina qyzmetkerlerımen ärı tūrǧyndarmen bırge atqaryluy tiıs jūmys jospary jasalǧan. Olardyŋ basym bölıgın oryndadyq. Bügıngı kezdesude de köterılgen mäselelerdı şeşuge kırısıp kettık. Mäselen, medisina qyzmetkerlerı medisinalyq nysandardy salu jäne jöndeu, kadrlardy daiarlau, nysandardy tolyq jaraqtandyru, «Qauıpsız aula» jobasyn odan ärı engızu jäne taǧy basqa mäselelerdı kötergen edı. Bırınşı mäsele – densaulyq saqtau jüiesınıŋ infraqūrylymyn damytu. Elordanyŋ auqymdy jobalarynyŋ bırı temırjol auruhanasynyŋ (№3 köpsalaly qalalyq auruhana) «Ramada Plaza» ǧimaratyna köşuı bolyp sanalady. Eskı temırjol auruhanasynyŋ aumaǧyna jaŋa perinataldyq ortalyq salynady, öitkenı būl şaǧyn audanda osy mäsele (Saryarqa audany) öte özektı bolyp tūr. Būdan bölek, Almaty audanynda №1 köpsalaly qalalyq auruhanasynyŋ janynan taǧy bır perinataldyq ortalyq boi köteredı» dedı A.Kölgınov.
Qala basşysy bırqatar medisinalyq mekemelerge jöndeu jürgızılgenı, sol siiaqty «Jaǧalau-3» jäne «Nūrly jol» vokzaly audanynda ambulatoriialyq-emhanalyq keşenderınıŋ, «Köktal-1», «Prigorodnyi», «Telman» jäne taǧy basqa eldı mekenderde alǧaşqy medisinalyq-sanitarlyq kömek ortalyqtarynyŋ qūrylysy josparlanǧanyn atap aitty. Mäselen, qadamdyq qoljetımdılık aiasynda soŋǧy 3 jylda 40 «Üi janyndaǧy därıger» nysany (onyŋ 7-euı eldı mekenderde ornalasqan) aşyldy. Astana äkımdıgı jyl soŋyna deiın taǧy osyndai 10 nysan aşudy josparlap otyr. Oǧan da jeke investisiialar tartylady.
«Ekınşı mäsele – medisina qyzmetkerlerıne jaǧdai jasau. 2020 jyldan bastap därıgerlerdıŋ ortaşa jalaqysy 60%-ǧa, orta buyn medisina qyzmetkerlerınıŋ jalaqysy 50%-ǧa östı. Kelesı jyly därıgerlerdıŋ jalaqysyn taǧy 35%-ǧa, al orta buyn medisina qyzmetkerlerınıŋ jalaqysyn 10%-ǧa köbeitu josparlanyp otyr. Kadrlardy jūmyldyru üşın granttar bölemız. Osylaişa, 3 jyl ışınde joǧary bılım aluǧa 750 grant bölındı. Qazırgı oqu jylyna 250-ge juyq grant böldık. Sol siiaqty medisina qyzmetkerlerıne arnap jataqhana saludy josparlap otyrmyz. Üşınşı mäsele – materialdyq-tehnikalyq baza. Soŋǧy 3 jylda medisina mekemelerı 3 myŋǧa juyq arnaiy jabdyqpen jabdyqtaldy. Törtınşı mäsele – jedel medisinalyq järdem stansasy. Osy jyldyŋ küzınde jedel medisinalyq järdem stansasyna taǧy 55 arnaiy maşina berıldı. Būǧan deiın 100-den astam arnaiy kölık, onyŋ ışınde 65 reanimobil medisinalyq kömek stansasy tapsyryldy» dep tüsındırıp berdı qala äkımı.
Kezdesudıŋ soŋynda elordadaǧy üzdık medisina qyzmetkerlerı Qūrmet gramotalarymen marapattaldy.
