Astana qalalyq mäslihatynyŋ deputattaryn memlekettık tūrǧyn üi baǧdarlamasy aiasynda salynyp jatqan baspanalardyŋ jai-küiı şyndap alaŋdatqan syŋaily. Aldaǧy sessiiada qaralatyn basty mäsele de osy. Aldymen qūrylysty aiaqtauǧa tūsau bolyp otyrǧan jaittardy öz közderımen köru üşın halyq qalaulary tūrǧyn üilerdı aralap şyqty.
Astanadaǧy memlekettık baǧdarlama aiasynda salynyp jatqan tūrǧyn üilerdıŋ aiaqtaluyn talai adam üzdıge kütıp jür. Baǧdarlama boiynşa üi alu tızımıne ılıkken adamdardyŋ tügelı derlık bır baspanaǧa zäru ekendıgın eskersek, sol tūrǧyn üilerdı aiaqtau – qanşalyqty maŋyzdy ıs ekenın tüsınesız.
Biudjettık ūiym qyzmetkerlerı men jas otbasylar qonystanatyn baspanalardyŋ basym köpşılıgı N.Tılendiev daŋǧylynyŋ oŋtüstık betkeiınde ornalasqan. Sondyqtan mäslihat deputattary aldymen osy öŋırdı betke alyp, S.Seifullin köşesındegı «Sapa» tūrǧyn üi keşenı men 187,188-şı köşelerdegı köp qabatty üilerdıŋ jai-japsarymen tanysty.
Qanşama halyqty sarǧaita küttırgen būl üilerdıŋ aiaqtaluyna ne kedergı bolyp tūr degen saualymyzǧa Astana qalasy Qūrylys basqarmasy bastyǧynyŋ orynbasary Nūrbol Nūrsaǧatov onyŋ obektivtı jäne subektivtı sebepterı köp ekendıgın aitty. Bır ǧana mysal, köp qabatty üilerdıŋ bırın salyp bıtıruge tiıs «Dekor Astana» atty türık elınıŋ qūrylys mekemesı orta joldan jūmysty tastap ketken eken. Sol üşın olar tiıstı jazasyn da alǧan. Būl merdıgerlerdıŋ ornyna basqalardy tauyp, belgılengen merdıger tiıstı proseduralardan ötıp, jūmysty qolǧa alǧanşa tūrǧyn üi qūrylysy uaqytşa toqtap qalǧan.
Keibır qūrylysqa qarjy jaǧy da qolbailau bolǧan. Äu basta bır şarşy metrı 56 myŋ 515 teŋgege baǧalanǧan baspanalar salynyp bıtkenşe qūrylys zattary qymbattap ketıp, bastapqy baǧany ötei almai qalǧan.
– Bıraq qazır bar mäsele şeşılgen, -deidı Nūrbol Tölegenūly. – Ärine, syn-eskertpeler joq dep aita almaimyn, bar. Merdıgerler eşqaida ketpeidı. Dereu kem-ketıktı ornyna keltıredı, tüzetedı. Būlar – 2008-2011 jyldarǧa arnalǧan memlekettık baǧdarlama aiasyndaǧy soŋǧy üiler. Būdan keiın qolǧa alynatyn baǧdarlamanyŋ şeŋberındegı üilerdıŋ baǧasy jaqsy. Mūndaǧydai mäsele tuyndamaidy dep oilaimyn.
Mamandar salyp jatqan üilerınıŋ qūrylysyn bırer aida tolyq aiaqtaimyz dep uäde etıp otyr. Eger memlekettık komissiia tarapynan syn-eskertpeler bolmasa, onda jūrtşylyq köpten kütken päterıne osy jyldyŋ aiaǧyna deiın qol jetkızetın bolady.
Qymbat NŪRǦALİ
