QR Prezidentı janyndaǧy Ortalyq kommunikasiialar qyzmetınıŋ keşe ötken kezektı brifingınde «Aitys» («iTys») atty tūŋǧyş qazaqstandyq messendjerdıŋ tanystyrylymy boldy. Memlekettık tıldı damytu qorynyŋ direktory Azat Şäueev pen atalǧan jobanyŋ jetekşısı Däuıt Şaihislamov qatysqan basqosuda mobildık qosymşanyŋ artyqşylyqtary keŋınen tanystyryldy. Olardyŋ aituynşa, būl «Whatsapp» atty älemge belgılı messendjerdıŋ qazaqstandyq balamasy bolmaq. Iаǧni, «iTys» tūŋǧyş ret qazaqstandyq mamandar jasap şyǧarǧan, jedel habar almasuǧa arnalǧan ūlttyq joba.
«iTys» orys jäne aǧylşyn tılderınde ǧana emes, eŋ bastysy, qazaq älıpbiınıŋ barlyq ärıpterın paidalanyp, memlekettık tılde habar almasuǧa bolatyndyǧymen erekşelenedı. Būl ony qazırgı kezde qoldanysta jürgen belgılı messendjerlerden daralap, ärbır qazaqstandyqqa arnalǧan, tolyqtai ūlttyq IT-önım retınde tanyta alady. Jaŋa otandyq önım qazaq tılın qarqyndy damyp kele jatqan aqparattyq ortaǧa beiımdeu turaly Elbasy Nūrsūltan Nazarbaev jüktegen mındetterge tolyǧymen sai keledı» dedı basqosuda Azat Şäueev. Onyŋ aituynşa, «iTys» qosymşasynyŋ eŋ basty erekşelıgı – onyŋ ūlttyq mänerde aişyqtalǧan, memlekettık tılde qoldanuǧa bolatyn ekskliuzivtı interfeisı men mäzırı.
«Mobildık qosymşadaǧy barlyq smailikter qazaqtyŋ ūlttyq naqyşynda jasalǧan. Sonymen qatar, mūnyŋ taǧy bır maŋyzdy qyry – basqa messendjerler siiaqty qoldanu üşın tölem talap etpeidı. Kez kelgen adam ony «iTys.kz» saitynan tegın jüktep alyp, tegın qoldana alady. Osynyŋ barlyǧy habar almasuǧa arnalǧan tūŋǧyş qazaqstandyq mobildı qosymşa – «iTys»-ty tek tartymdy, qyzyqty etıp qoimai, Qazaqstannyŋ kez kelgen tūrǧyny üşın meilınşe qoljetımdı etedı» dedı A.Şäueev jiyn barysynda.
«iTys» jobasynyŋ taǧy bır erekşelıgı – onda jeke hattardyŋ qūpiialylyǧyn saqtauǧa mümkındık beretın habarlamalardy avtomatty türde öşıru funksiiasy bar. Mūndai qyzmet älemdegı bırde-bır messendjerde joq. Sonymen qatar ony jetıldıruge ärbır qazaqstandyq öz ülesın qosa alatyn halyqtyq messendjer bolyp tabylady.
Aita ketken jön, qazırgı taŋda qosymşany jükteu «Android» operasiialyq jüiesı bar smartfondar üşın qoljetımdı. Jobany jasauşylar jeltoqsan aiynda «iOC» platformasyna şyǧudy közdep otyr.
Ashat Raiqūl
