«Astana – türkı älemınıŋ mädeni astanasy 2012» jyly aiasynda köptegen ıs-şaralar ūiymdastyryluda. Ekı jylda bır bolatyn «Ūly Dala Sazy» dästürlı oryndauşylardyŋ halyqaralyq festivalı de biyl osynau atauly mädeni şaranyŋ şeŋberınde ötkızıldı.
Keşe K.Baiseiıtova atyndaǧy Ūlttyq opera jäne balet teatrynda şymyldyǧy türılgen festivalge qatysuǧa qyzyǧuşylyq tanytqandar qarasy mol. Ekı jyl saiyn än men küi saltanat qūratyn osyndai äuezdı meiramnyŋ elge berer mereiı mol, ūlaǧaty orasan. Dästürlı oryndauşylyqty qoldap, qūdırettı äuen festivalın ūiymdastyrumen şūǧyldanyp jürgen QazaqstanRespublikasynyŋ Mädeniet jäne aqparat ministrlıgınıŋ būl salaǧa sıŋırgen eŋbegı eren. Sondai-aq kömek qolyn sozuşylardyŋ taǧy bırı – «Qazaqstan halqynyŋ ruhani damu qory» AQ.
Atalmyş saz merekesıne at terletıp är öŋırden būlbūl kömei, jeztaŋdai änşıler men däulesker küişıler köp jinalypty. Astananyŋ abyroiyn asqaqtatyp bügıngınıŋ Bırjany atanyp jürgen Qairat Baibosynov «On sausaqty» äueletse, Batys dästürlı mektebınıŋ körnektı änşısı Aigül Qosanova «Jelkıldektı» syŋǧyrlatty. Sügırdıŋ «Nazqoŋyryn» kümbırletken Janǧali Jüzbaevtar qataryn Erbol Aitbaev, Ashat Orazov, Serjan Şäkırat, Aigül Ülkenbaeva, altai eposy «Qoziuke-Baiandy» oryndaǧan Nogon Şumarov, noǧai küiı «Iorǧa sazben» tamsandyrǧan Faizulla Musaev jäne köptegen basqa da jyrşy- küişıler lek-legımen orta toltyrdy.
«Naǧyz qazaq qazaq emes, naǧyz qazaq – dombyra» deitın Qadyr aǧamyzdyŋ ataly sözın ıs jüzınde, teatr sahnasynda dombyra ūstaǧan naǧyz qazaqtardyŋ öner dumanynda közben körıp masairap, köŋılge tereŋ tüiıp, süisınıp, qūlaq qūryşyn qandyryp, dala sazyna elıtıp qaitty elordalyqtar. Keş qonaǧy bolǧan QR Mädeniet jäne aqparat ministrı Darhan Myŋbai jinalǧan qauymdy osy bır käusar būlaqtai syŋǧyrlaǧan dala sazynyŋ merekesımen qūttyqtady. «Astana – türkı mädenietınıŋ bas qalasy bolyp jariialanǧanyn bılesızder. Elbasymyz qazaq önerın, äsırese dästürlı önerdı damytuǧa köp köŋıl bölıp kele jatyr. Türkı jūrtyn bırıktırıp otyrǧan osyndai önerdı damytuymyz kerek. Türkı mädenietınıŋ ärbır janry bır-bır ǧylym, bır-bır tarih, ony
bız közdıŋ qaraşyǧyndai saqtap, ūrpaqtarymyzǧa jetkızetın bolsaq, būl da bızdıŋ azamat retınde, türkı jūrtynyŋ patrioty retındegı abyroily ısımız bolar edı» degen Darhan Myŋbai sözderıne körermen du qol şapalaqpen rizaşylyǧyn bıldırdı.
Konsertke TÜRKSOI-dyŋ, Türkı tıldes elderdıŋ IýNESKO ısterı jönındegı Ūlttyq komissiianyŋ, Halyqaralyq dästürlı muzyka ūiymynyŋ basşylyǧy jäne köptegen şeteldık muzykatanuşylar keldı.
Mariia AIDARBAEVA
