Üzdık ümıtkerler ırıkteldı
Astana qalasynyŋ kadr komissiiasy «A» korpusynyŋ memlekettık äkımşılık qyzmetınıŋ kadr rezervıne ümıtkerlermen 28 mamyr jäne 3 mausym aralyǧynda äŋgımelesu kezeŋın ötkızdı.
Būl kezeŋge jalpy 141 ümıtker ırıktelıp, kadr komissiiasynyŋ äŋgımelesu otyrysyna qatysty. Elbasynyŋ saiasi jıgerınıŋ arqasynda memlekettık qyzmettıŋ qazaqstandyq ülgısı negızınde qalyptastyrylyp jatqan «A» korpusynyŋ kadr rezervıne 13 äiel baq synady.
Memlekettık qyzmettıŋ jaŋa jüiesı boiynşa qūrylyp jatqan «A» korpusynda ümıtkerlerdıŋ salalyq qūrylymyna şekteu bolǧan joq. Ümıtkerler qūramynda 36 memlekettık qyzmetker, 105 basqa sala qyzmetkerlerı, 20 jūmyssyz azamat qatysty.
Komissiia otyrysy barysynda ärbır ümıtkerdıŋ bılımı men bılıgıne, qyzmettegı jetıstıkterıne, qoǧamdyq qyzmetke qatysuyna, «A» korpusynyŋ kadr rezervıne kıru sebepterımen tanysuyna, olardyŋ ūiymdastyruşylyq, köşbasşylyq qabıletterıne, ümıtkerkerlerdıŋ etika men qūndylyq baǧdaryna, eŋbek jolyndaǧy meritokratiia prinsipterı negızınde ösu deŋgeiıne jıtı män berıldı.
Memlekettık qyzmet reformasy salasynda aimaqtyq köşbasşy elge ainalǧan memleketımızdıŋ zamanaui üderısterdı eskerıp, ozyq halyqaralyq täjıribege säikes jasalǧan memlekettık qyzmet salasyndaǧy jaŋa zaŋnyŋ talaptary negızınde ötkızılgen kadr komissiiasynyŋ jūmysy barysynda özınıŋ bılıktılıgı men joǧary bılım deŋgeiın körsetken 139 ümıtker Qazaqstan Respublikasynyŋ Prezidentı janyndaǧy Kadr saiasaty jönındegı ūlttyq komissiiaǧa joldandy.
Erkejan SÄTIMBEK