Elordada şyǧatyn önımderdı nasihattau, käsıpkerler arasynda bäsekelestık ortany qalyptastyru, eŋ ozyq tauar öndıruşını anyqtau maqsatynda bas qalamyzda bırneşe jyldar kölemınde «Astananyŋ üzdık tauary» öŋırlık körme-baiqauy ūiymdastyrylyp keledı. Būrnaǧy künı Kongress-holl saraiynda baiqau kezektı ret ötkızılıp, 45 käsıpker tūtynuşylar men sarapşylardyŋ nazaryna öz önımın ūsyndy.
Qoǧamdyq ūiymdardyŋ, memlekettık organdar ökılderınen jasaqtalǧan komissiia müşelerı tauarlar sapasyna, olardyŋ sertifikattaluy ölşemderıne, tūtynuşylardyŋ pıkırıne qarap baǧalady. Aldyn ala aitaiyq, būl joly da būryn jeŋgen nemese jüldegerlerdıŋ qataryna engen käsıporyndar naryqta tegınnen-tegın jürmegenın däleldedı. Ol baiqau qorytyndysy şyǧarylǧanda belgılı boldy. Sonymen, jüldeler tömendegı üş atalym boiynşa bölındı:
«Öndırıstık maqsattaǧy üzdık tauarlar» atalymy:
1. «Led Solution» JŞS (jaryq diodtı önımder öndırısı).
2. «Jarkyn KO» JŞS (baspagerlık qyzmet).
3. «Ekoton +» AQ (qabyrǧa blogtary öndırısı).
«Üzdık azyq-tülık tauarlary» atalymy:
1. «Sesna-Astyk» Konsernı» AQ (ūn, makaron, nan-toqaş önımderı).
2. «Aprel» JŞS (şūjyq jäne tättı taǧamdar öndırısı).
3. «Energosnab» JŞS (alkogolsız susyndar şyǧaru).
«Halyq tūtynatyn üzdık tauarlar» atalymy:
1. «Altyn Orda» avtorlyq dizain üiı» JŞS (ūlttyq ülgıdegı kiım jäne jihaz şyǧaru).
2. «Astana qalasynyŋ qazaq saŋyraular qoǧamynyŋ oqu-öndırıstık käsıporny» mekemesı (arnauly kiım jäne kiız üi öndırısı).
3. «DONATIM» JŞS (arnauly kiımder öndırısı).
Jeŋımpazdar kubok pen diplomdarmen marapattalsa, özge qatysuşylarǧa diplomdar tabystaldy.
Sondai-aq, «Üzdık öndırıstık käsıporyn», «Üzdık innovasiialyq käsıporyn» atalymdarynda «Amitech Astana» JŞS (plastik plitalar men qūbyrlar öndırısı) men «NŪR» jaŋa tehnologiialardy engızu kluby» JŞS (äinekten jasalǧan būiymdar) jeŋıske jettı.
Baiqau jeŋımpazdary endı «Qazaqstannyŋ üzdık tauary – 2013» respublikalyq körme-baiqauyna qatysatyn bolady.
Amanǧali QALJANOV
