VELOJOL BYLAIǦY JOLDAN ÖZGEREK
Astana qalasynyŋ äkımdıgınde Qazaqstan Respublikasy Sport jäne dene şynyqtyru ısterı agenttıgı, «Samūryq-Qazyna» ūlttyq äl-auqat qory» aksionerlık qoǧamy jäne Astana qalasynyŋ äkımdıgı arasynda velojol infraqūrylymyn damytu salasynda özara äreket etu turaly Memorandumǧa qol qoiyldy.
Elbasy Nūrsūltan Nazarbaev velosiped syndy ekologiialyq kölık mäselesın ünemı köterıp keledı. Osyǧan bailanysty Qazaqstan Respublikasy Sport jäne dene şynyqtyru ısterı agenttıgı ötken jyly Premer-ministrge Astana qalasynda «EKSPO-2017» halyqaralyq körmesıne daiyndyq barysynda veloinfraqūrylymyn damytu turaly ūsynys jasaǧanyn aita kele, «Samūryq-Qazyna» ūlttyq äl-auqat qorynyŋ bas direktory Erlan Darimov būl ūsynys «Samūryq-Qazyna» ūlttyq äl-auqat qory» aksionerlık qoǧamy men Astana qalasy äkımdıgı tarapynan tolyqtai qoldau tapqanyn jetkızdı. Onyŋ aituynşa, üş kezeŋnen tūratyn būl joba şılde aiynyŋ basynda ıske asyryla bastaidy. 2015 jyly Esıl özenınıŋ sol jaǧalauy men oŋ jaǧalau tolyqtai qamtylmaqşy. Al, eŋ soŋǧy kezeŋ – «EKSPO-2017» qalaşyǧynyŋ aumaǧynda ornalasady.
Jalpy alǧanda, qala boiynşa 40 velobeket bolady jäne onyŋ barlyǧy sol jaǧalaudaǧy Ministrlıkter üiınen bastap ırı-ırı sauda oiyn-sauyq keşenderınıŋ aldaryna qoiylady. 2017 jylǧa qarai velobeketter qatary 100-ge jäne velosipedter sany 1000-ǧa jetedı dep kütılude.
Bügıngı taŋda älemde qala jaǧdaiynda kölıktıŋ osy türıne oiysu ürdısı baiqalady. Qytaida bır avtomobilge 250 velosipedten kelse, Daniia, Germaniia, Niderland siiaqty damyǧan memleketterde sapardyŋ 30 paiyzy velosiped arqyly jüzege asyrylady.
Japoniiada jūmysbasty halyqtyŋ 15 paiyzy qyzmetıne osy transport arqyly qatynaidy. Bolaşaqta bızdıŋ elımız de osyǧan aqqūla köşetınıne senım bar. Sonymen qatar, velojoldar infraqūrylymyn damytu qosymşa jūmys oryndaryn aşyp qana qoimaidy, elımızdıŋ ırı qalalaryndaǧy ekologiialyq jaǧdaidy jaqsartyp, joldaǧy keptelektıŋ de azaiuyna äserın tigızedı.
Gülbarşyn ÖKEŞQYZY