Jaŋalyqtar

«Vikipediia» qazaqşa söiledı

Keşe Ministrlıkter üiınıŋ mäjılıs zalynda «Qazaqşa Vikipediia» jobasyna bailanysty baspasöz mäslihaty öttı.

Oǧan «Samūryq-Qazyna» ŪÄQ» AQ Qoǧammen bailanys departamentınıŋ direktory Aidar Mahmetov, «WikiBilim» qoǧamdyq qorynyŋ jetekşısı Rauan Kenjehanūly jäne būqaralyq aqparat qūraldarynyŋ ökılderı qatysty. R.Kenjehanūlynyŋ aituynşa, «Qazaqşa Vikipediia» jobasy ötken jyldyŋ mausymynda bastalǧan. Jobanyŋ maqsaty – ǧalamdyq «Vikipediia» ensiklopediiasynyŋ qazaq tıldı
tarauyn damytu. Joba bastalǧan kezde «Vikipediianyŋ» qazaqşa tarauyndaǧy maqalalar sany segız myŋnan aspaǧan bolsa, bır jarym
jyl ışınde maqalalar sany ekı esege ösıp, ekı jüz myŋnan asqan. Ensiklopediiany qoldanatyn auditoriia da aitarlyqtai ūlǧaiǧan.
Al, A.Mahmetov qazaq «Vikipediiasynyŋ » qarqyndy damuy älemdık viki-qauymdastyqtyŋ joǧary baǧasyna ie bolǧandyǧyn aityp öttı.

«Qazaqşa Vikipediia» jobasy – QR Prezidentı äkımşılıgınıŋ basşysy Kärım Mäsımovtıŋ qamqorlyǧymen jüzege asyp jatqan qazaq tıldı mazmūndy damytuǧa baǧyttalǧan jobalardyŋ bırı. Atalmyş jobalardyŋ qatarynda «Qazaqstannyŋ aşyq kıtaphanasy», «Creative Commons» lisenziialaryn nasihattau, «Google Translate» qyzmetıne qazaq tılın qosu, TED leksiialaryn audaru jäne taratu, sondai-aq, özge de ǧalamdyq onlain platformalar men qyzmetterdı qazaq tılıne beiımdep, köpşılıkke aşu jäne erkın taratu bastamalary bar.

Hamit ESAMAN

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button