Tanym

ŪLYLAR MEKENINDEGI ŪMYTYLMAS KYNDER

Osydan üş jyl būryn, dauylpaz aqyn Qasym Amanjolovtyŋ ǧasyrlyq mereitoiy tūsynda tabiǧaty äsem Qarqaraly ölkesıne jolymyz tüstı. Sol kezde 1851 jyly Qūnanbai qajy saldyrǧan meşıttı, Abai äkesımen bırge tüsken tatar saudagerınıŋ üiın közımız kördı. Biyl jaz ortasynda oilamaǧan jerden Abaidyŋ kındık qany tamyp, damyl tapqan öŋırge saparladyq. Ondai mümkındıktı ūly danyşpannyŋ ömırı men şyǧarmaşylyǧyn qazaqqa jetkıze tüsudı maqsūt tūtqan Astana qalasyndaǧy jalǧyz «Abaitanu» ǧylymi-tanymdyq ortalyǧy, «Altyn qyran» halyqaralyq qaiyrymdylyq qory jäne bızdı osy saparǧa attandyrǧan özımızdıŋ gazet redaksiiasy tudyrdy.

MEKKEGE BARǦANDAI BOLDYQ

«Mekkege jol şekken mūsylmanda Qaǧbaǧa tauap etuden basqa qandai mūrat bar – Abaidy qadır tūtqan qazaqta Jidebai topyraǧyn basudan böten qandai tılek boluy mümkın?!» Belgılı jurnalist-jazuşy Janat Elşıbektıŋ «Uaqyt-synap» kıtabynda Mūhtar Maǧauin aitty degen osyndai joldar kezdesedı. Bırneşe jyldardan berı jalǧasyp kele jatqan «Ūlylar mekenıne saiahat» baǧdarlamasymen jolǧa şyqqan otyz şaqty adamda qanşa arman-tılek bolsa, sonyŋ ülkenı osy sapar barysynda oryndaldy.

Astanadan şyǧyp, Semeidı betke alǧan aqyndardyŋ, ūstazdardyŋ, būqaralyq aqparat qūraldary ökılderınıŋ, «Abai oqulary» baiqauy jüldegerlerınıŋ jäne Abaidy qaster tūtar jūrttyŋ auzynda – Abai. Jolbasşy – «Abaitanu» ǧylymi-tanymdyq ortalyǧynyŋ direktory Almahan Mūhametqaliqyzy şyqqan kölıgımızdıŋ şopyrlaryna Abaidyŋ öleŋderı men änderın qoidyryp, danamyzdyŋ jüregıne boilauymyzǧa odan saiyn eŋbektene tüsude. Özı de jol boiy bılgen, köŋılıne tüigen mälımettermen bölısude. Janymyzdaǧy Jidebaidaǧy Abaidyŋ mūrajai-üiınde bırtalai jyl qyzmet atqarǧan Qaiyrjan Küzembaev ta Abaiǧa qatysty äŋgımenı aityp keledı. Odan säl alysyraq otyrǧan bız bır sözın estıp, bır sözın estımei kelemız. Qaiyrjan aǧamyzdyŋ däl qasyna otyryp, bükıl äŋgımesın ap-anyq estıp kele jatqan jas qalamger Almaz Myrzahmetke qyzyǧa qaraimyz…

EREIMENTAU BASYNDAǦY HHI ǦASYR ÜNI

Mıne, qazaq än önerınıŋ erekşe qūbylysy İmanjüsıp Qūtpanūly basyna bürkıt ūstap şyǧyp jürgen, taǧdyrynyŋ qiyn jyldary «Közıme bır körınşı, Ereimentau» dep armandaǧan jerge de keldık. Almahan apai osy ölke atauynyŋ şyǧu tarihyna qatysty aŋyzdy tırıltıp, «at erımen qaşqan jer» degendı ūqtyrdy. Osy öŋır jaily: «…Ūlylyǧy – Dante jazǧan dastandai. Jylylyǧy – kärı anany aiaudai, Sūlulyǧy – Repin jaqqan boiaudai. Aspan biık – Äset aitqan än syndy…» degen qazaq öleŋınıŋ jaryq jūldyzy Jūmeken Näjımedenovtıŋ jyr joldary da kökıregımızde jaŋǧyrady. Osyndai jerge kelgende HHI ǧasyr ünın nege estırtpeske?! Saparǧa bırge şyqqan aqyndar Asylzat Arystanbek pen Oljas Sändıbekke öleŋ oqyttyq.

QŪLAQQAǦYS

Astana qalasy Tılderdı damytu basqarmasy 23 tamyz künı saǧat 11.00-de Abai eskertkışınıŋ aldynda ūly aqynnyŋ tuǧan künıne arnalǧan «Abaidyŋ än älemı» atty merekelık şara ötkızedı. Onyŋ basty maqsaty – Abaidyŋ san qily mūrasyn nasihattau, aluan taqyryptaǧy änderı arqyly suretkerdıŋ estetikalyq älemın tanytu. Şarada tanymal änşıler Kenjeǧali Myrjyqbai, Janat Şybyqbai, Gülzira Bökeihan, Erlan Rysqali Abai änderın şyrqaidy. Sonymen qatar, Q. Quanyşbaev atyndaǧy Memlekettık akademiialyq qazaq muzykalyq drama teatrynyŋ ärtısterı Abaidyŋ ömırınen daiyndalǧan qoiylym körsetedı.

KEREKU ÖŊIRINDEGI KEZDESU

Semeige jetkenımızşe ūzaqtau aialdaǧan jerımız – Pavlodar qalasy boldy. Atauy «Men – qazaqpyn» deitın adamnyŋ şamyna tietın osy şaharda aiaq suytyp, tüskı asymyzdy ışkennen keiın G. Potanin atyndaǧy Pavlodar oblystyq tarihi-ölketanu mūrajaiyna bas sūqtyq. Būl 1899 jyly salynǧan ǧimarat bastapqyda köpes A. Derovtyŋ sauda üiı bolyp, keiınnen osy qaladaǧy poşta-telegraf keŋsesıne ainalǧan. Osyndaǧy jädıgerlerden IH-HI ǧasyrlardaǧy qimaq jauyngerı men Maira Uäliqyzynyŋ müsınderı, «Şäken Aimanovtyŋ sahnalyq kiımı» degen anyqtamasy bar şapan men börık (qazaq kinosynyŋ saŋlaǧy osy kiımdı «Aldar köse» filmınde qoldanǧan şyǧar dep topşyladyq), «Abylai hannyŋ ordasy» instaliasiiasy bızdı erekşe qyzyqtyrdy.

Taǧy bır köŋıl qoiǧanymyz – taqqa jaiǧasqan hannyŋ aldynda qolyna dombyra qondyrylǧan müsın. Bızdı mūrajaimen tanystyryp jürgen gidtıŋ aituynşa, būl – Būqar jyraudyŋ beinesı retınde oilastyrylǧan.

KÖŊILIMIZ NEGE QŪLAZYDY?

Pavlodardan şyǧyp, Şyǧys Qazaqstan oblysynyŋ şekarasyna ılıkkennen keiın bır körınıs şalqyp kele jatqan köŋılımızdı qūlazytyp jıberdı. Qazaqqa Abai sekıldı ūlylardy bergen ölke qaraǧaily qalyŋ ormanymen de äigılı. Basqa jerıne qaidam, Pavlodar men Semei arasyndaǧy ormanǧa örtten mol zardap kelıptı. Tabiǧat apaty ma, älde ädeiı örtelgen be, bılıp bolmaisyŋ, äiteuır jol boiyndaǧy bırtalai şaqyrym jerdı aǧaştyŋ tūqyldary alyp jatsa, keibır jer mülde taqyrǧa ainalypty. Osy aralyqtaǧy küre jol da jolauşynyŋ köŋılın toltyrmaidy. Ol jaily taǧy bır saparlasymyz – atyna zaty sai, qazaq ädebietı degende ışken asyn jerge qoiatyn Azamat Şoqşin qaitar jolda: «Joldyŋ jaqsarǧanynan Semeiden alystaǧanyŋdy bılesıŋ» dep tamaşa aitty.

Semei men Jidebaidyŋ arasyndaǧy jol da jolauşyny bıraz äbıgerge salady. Ekınşı künı Semeiden Abaidyŋ mäŋgılık mekenıne ainalǧan jerıne şyqqanymyzda oǧan köz jetkızdık. «Abai joly» roman-epopeiasy esıŋızde bolar – 13 jasar Abai Semeidegı oquynan auylyna qaityp keledı… Tura sol jolmen jürıp kelemız. Aiyrmaşylyǧy – astymyzda qazırgı zaman kölıgı. Almahan Mūhametqaliqyzy da «Abaidyŋ soqtyqpaly, soqpaqsyz jolymen kele jatyrmyz» dep ony esımızge salyp qoiyp, jer attarymen tanystyryp keledı. Onyŋ sözın Semeide janymyzǧa qosylǧan abaitanuşy Asan Omarov pen Qaiyrjan Küzembaev tolyqtyruda. Mūhtar Äuezovtıŋ şyǧarmasyn oqyǧandar jer ataularyn eske tüsırude.

QORǦANSYZ QALǦAN ǦAZİZA QAIDA JERLENGEN?

Mıne, bala Abaidy ertıp kele jatqan adamdar toqtaityn Şaǧyl… Alystan «Qorǧansyzdyŋ künı» şyǧarmasynda aitylatyn, Saryarqanyŋ soŋǧy jotasy sanalatyn, ūzyndyǧy 12 şaqyrym Arqalyq tauynyŋ sūlbasy körınedı. Abaidyŋ ǧaşyǧy Saltanattyŋ auy­ly – Baltataraqtyŋ tūsynan öttık. Ärı qarai Küşıkbai kezeŋı. Jolbasşylarymyzdyŋ aituynşa, būl jerde Abaidyŋ aqyn şäkırtterınıŋ bırı Kökbai Janataiūly 1925 jyly dünieden ötken. Küşıkbaidyŋ özıne kelsek, ol HVIII ǧasyrdyŋ soŋynda ömır sürgen. Batyrlyǧymen aty şyǧyp, 21 jasynda şeşekten qaitys bolǧan. Kesenesı de sol maŋda. Taiau jerde suy şipaly, batyrdyŋ atymen atalatyn būlaq ta bar eken. Onyŋ suyn ışıp, şölımızdı bastyq.

Aqan bolystyŋ qorlyǧyna şydamai, äkesınıŋ beiıtıne jügırıp, üsıp ölgen Ǧazizanyŋ jatqan ornyn da körıp, tebırendık. Būl jerge eskertkış ornatylyp, oǧan: «Mūhtar Äuezovtıŋ «Qorǧansyzdyŋ künı» hikaiatynyŋ bas keiıpkerı Ǧaziza. 2013 jyl. Säuırdıŋ 13 jūldyzy» degen sözder jazylypty. Ziratpen auyl ornynyŋ arasy 500 metr­dei. Auyl ekenın bıldıretın kültökpe bar.

Aqanǧa laǧynet aitqyzar osy oqiǧa 1914 jyldyŋ qysynda oryn alypty. Izı suymai jatyp jas Mūhtardyŋ qūlaǧyna jetedı. Arada bırneşe jyl ötkennen keiın jazuşy ony «Qyzyl Qazaqstan» jurnalynyŋ 1921 jylǧy №3-4 sandaryna «Arǧyn» degen bürkenşek atpen bastyrady jäne 1922 jyly Orynbordan kıtap etıp şyǧarady.

KİELI JERLERMEN JÜRGENDE

Eraly jazyǧynyŋ tūsynan da öttık. Jidebaidan şamamen 75-80 şaqyrym jerde ornalasqan būl jer Keŋgırbai bidıŋ ūlynyŋ atymen atalady. Eralynyŋ molasy da sol tūsta. Asan Omarovtyŋ aituynşa, būl janynan bet sipamai ötpeuge bolmaityn kielı jer. Mūsylmanşylyq räsımdı jasamai ötken talai kölık ielerı osy tūsqa kelgende opyq jegen körınedı.

Eŋlık – Kebek… Osy oqiǧaǧa Şäkärımnıŋ «Jolsyz jaza» dastany men Mūhtar Äuezovtıŋ pesasy arqyly qanyqpyz. Ruaralyq tartystyŋ kesırınen qos ǧaşyq jazaǧa tartylyp, at qūiryǧyna bailanyp, süiretıledı. Olardyŋ şaşylyp ketıp, tabylǧan süiekterın janaşyr el jinap alyp, bır ziratqa jerleidı. Zirat ornyndaǧy eskertkışke: «Köp jasamai, kök orǧan Jarasy ülken jas ölım» degen Abaidyŋ Dıldädan tuǧan ūly Äkımbai qaitys bolǧanda jazǧan öleŋ joldary qaşalǧan.

AQŞOQYDAǦY QORYM

Qūnanbai jatqan Aqşoqyǧa da jetıp, dūǧa baǧyştadyq. Būl jerde Abaidyŋ äkesımen qatar aǧasy Täkejan, ınısı Ysqaq, balalary Äbış pen Maǧauiia, nemerelerı Jaǧypar, Kämila, biyl dünieden ötken İşaǧy Jaǧyparqyzy, jalpy alǧanda Qūnanbai äuletınen 17 adam damyl tapqan. Abai osynda 15 jasynda kelıp, 30 jyldai ömır sürıp, köptegen şyǧarmalaryn tudyrǧan. Asan Omarovtyŋ paiymdauynşa, Qūnanbai 1885 jyly dünieden ötse, sol jyldan äkesınıŋ ruhy Abaiǧa qonyp, şyǧarmaşylyq quaty arta tüsedı. İä, Abai öleŋdı qyryq jastan keiın jaza bastaǧan degen söz de bar jūrtymyzda. Odan habar beretın Abaidyŋ özınıŋ «Sorly Kökbai jylaidy, Jylaidy da jyrlaidy» degen joldary da esımızde.

Osynau tarihi da, qasterlı orynǧa aparatyn joldyŋ jaiyn da qauzai ketsek. Jol dep aituǧa kelmeidı – greider. Tas töseletın künı keler me eken oǧan?.. Osyndai oimen Abai men Äigerımdı tanystyrǧan, Jidebaidan 35 şaqyrymdyq qaşyqtyqta jatqan Şılıktı kezeŋınen de öttık.

JER KINDIGI – JİDEBAIDA

Dıttegen orynymyz – Jidebaiǧa kelgenımızde aldymyzdan respublikalyq «Abai» qorynyŋ direktory Baltabek Ersälımūly şyqty. Beinesı Abaiǧa keletın ol kısı danyşpanymyzǧa jien eken. Sol jerge Qarauyl selosynyŋ äkımı Qūsyman Berleşev te jettı. Ol da Abaiǧa jat emes bolyp şyqty – Täkejannyŋ ūrpaǧy. Qarauyldyŋ maŋaiynda Qūnanbai turaly körkem film tüsıruge daiyndyq jürıp jatqanyn sonyŋ auzynan estıdık. Osyǧan quandyq. Rasymen, Mūhtar Äuezov jazǧandai emes, basqa, naǧyz Qūnanbaidy tanu kerek jūrt. Äitpese, Abaidyŋ äkesı jaily halyqtan oŋ pıkır estu qazır de qiyn. «Abai jolyn» jazǧan jazuşy da ideologiianyŋ kesırınen jaŋsaqtyqqa barǧanyn bıldı. Onyŋ Qūnanbai beiıtıne baryp: «Qajy aǧa, keşırım et, Abai üşın sızdı qūrbandyqqa şaldym» dep arylǧanyn da estıgenımız bar. Endeşe, Qūnanbaidy jaqsy, dūrys jaǧynan körsetetın osy film boluy kerek. Asan Omarov ta Qarauyl äkımıne jaqynda şyqqan «Abai: aşylmai kelgen qyrlary» kıtabyn tapsyryp jatyp, sony meŋzedı. «Osy kıtapty kino avtorlaryna aparyp ber» dedı ol.

Jolbasşylarymyz el adamdaryna bazynalaryn da jetkızdı. Äsırese, Almahan apaidyŋ sözı süiekten öterdei boldy. Şynymen, «Abaitanu» ǧylymi-tanymdyq ortalyǧy bolmasa, osy sapar barysynda, aldyndaǧy saparlar kezınde de talai adamnyŋ ūly mekenge joly tüsuı neǧaibyl edı. Ol kısı osyny ūiymdastyramyn dep bıraz mekemelerdıŋ tabaldyryǧyn tozdyrdy, hat ta jazdy. Alaida, «Altyn qyran» halyqaralyq qaiyrymdylyq qorynyŋ prezidentı İslambek Saljanovtan basqa selt etken jan bolǧan joq. Ol qomaqty qarjy bölıp, osy saparǧa mümkındık tudyrdy. Sapardyŋ dūrys ötuı üşın janymyzǧa qor qyzmetkerı, aqyn-audarmaşy Däuren Berıkqajyūlyn da qosyp jıberdı. Aldyn ala aitaiyq, saiahatymyz sättı öttı. Osyǧan Däurennıŋ de az üles qospaǧanyn aituǧa tiıstımız. «El ışınen İslambekteiın azamattar nege şyqpaidy?» dep aşyndy sapardy ūiymdastyruşy. Almahan apai taǧy da Jūmekenmen ündeskendei: «Zamanǧa qarap, Abaidy aiaimyn. Abaiǧa qarap, özımdı aiaimyn»…

Jidebaidaǧy Abaidyŋ mūrajai-üiın bosaǧadan bızge tanystyra bastaǧan Gülsara Qūsaiynova öz ısınıŋ naǧyz mamany ekenın körsettı. Aldymen Abaidyŋ besınşı atasy Oljaidan bastalatyn şejırenı taratyp berdı. Mūrajaidaǧy är zat jaily qolymen qoiǧandai aityp berdı. Dıldänıŋ tūs kestesı törkınınen kelgenın, äsem äşekeilengen ertoqym Abaidyŋ Äigerımge tartqan syilyǧy ekenın bıldık. Ilınıp tūrǧan üş auyzdy myltyq Abaiǧa 1890 jyly general-gubernator Baron Taubenıŋ tartuy bolyp şyqty. Danyşpanymyzdyŋ doiby men toǧyzqūmalaǧyn da kördık. Odan bölek, aǧaş esepşotyn, seifın (özı sekreter dep ataǧan), müiız şaqşasyn, ırı adam bolǧanyn aiǧaqtaityn qaiys beldıgın, protez tısın de qyzyǧa tamaşaladyq. Protez tısı ämeŋgerlıkpen alǧan Erkejanda, odan keiın kelını Kämäliianyŋ qolynda bolyp, keiıngısı ony 1941 jyly mūrajaiǧa tapsyrǧan.

Mūrajaidan şyǧyp, Abai jatqan kesenege bet aldyq. Odan säl berırekte Qūnanbai auylynyŋ balalaryn oqytqan Ǧabithan moldanyŋ, Ospan üiınıŋ jalşysy Şäukembaidyŋ zirattaryna kez boldyq. Abaidyŋ özıne de därıs bergen ūlty tatar molda onyŋ alǧyrlyǧyn sol kezde baiqaidy. Sodan soŋ Qūnanbaiǧa: «Myrza, myna Abai – dana jıgıt. Şaharǧa oquǧa jıberseŋız ne iätädı. Hūdandaui, hakım-hazıretter aldyn körse – bek dūrys» deidı. Osyndai mälımetke Asan Omarovtyŋ aldynda aitylǧan kıtabynda jolyqtyq. Osydan keiın Qūnanbai Abaidy Semeidegı Ahmet Riza medresesıne bergen siiaqty. Abai dünieden ötkende janazasyn şyǧarǧan da osy Ǧabithan körınedı.

Şäukembaiǧa kelsek, Qaiyrjan Küzembaevtyŋ aituynşa, Abaiǧa şaruaşylyqty jürgızuge osy kısı üiretıptı. Kerek kezde qatty söz aitqannan da taiynbaǧan. Būl Qūnanbai äuletıne osy ekı adam syily bolǧanyn aiǧaqtaidy.

Abaidyŋ äjesı Zere men anasy Ūljannyŋ, aǧasy – Şäkärımnıŋ äkesı Qūdaiberdınıŋ molalary da osy Jidebaida eken. Abaidyŋ tärbiesıne üles qosqan jandar bıraz jasaǧan eken. Qūlpytastaǧy jazularǧa sensek, Zere – 88 jasynda, Ūljan – 77-ge kelıp o dünielık bolypty. Osyǧan kerısınşe Qūdaiberdınıŋ peşenesıne 37-aq jas jazylypty.

Ūşy süiır aqşaŋqan ekı kesenenıŋ bırınde ınısı Ospandy bauyryna alyp Abai, ekınşısınde Şäkärım men onyŋ ūly Ahat jatyr.Osylarǧa aparar joldyŋ ortasynda Amfiteatr ornalasqan. Būl orynda jyl saiyn jer jerden jinalǧan «Abai oqularynyŋ» jeŋımpazdary öleŋ oqidy eken. Bızder sonda aialdap, alǧan äserlerımen bölıstık. Baltabek Ersälımūly bastaǧan el adamdary qazaqy saltpen jolbastauşylarǧa şapan kigızdı.

MŪHTARDYŊ ǦAŞYQTYQ HATTARY QAIDA?

Jidebaidan qaitar jolda Mūhtar Äuezovtıŋ kırın juyp, kındık kesken jerı – jazuşynyŋ mūrajaiy ornalasqan Börılıge soqtyq. Mūrajai 1982 jyly aşylypty. Onda bala Mūhtarǧa hat tanytqan atasy Äuezdıŋ bölmesıne bas sūǧyp, bırqatar qūjattardy kördık. Basqa da qūjat ızdep edık, bıraq ol közımızge şalynbady. 1997 jyly jazuşynyŋ ǧasyrlyq mereitoiyna orai tüsırılgen derektı filmdı körgen edık. Sonda Mūhtar ǧaşyq bolǧan Ǧaini atty kelınşekke jazǧan hattary jaily aitylady. Ol hattar Taşkent qalasynda bır üide saqtauly eken. Hattardy ūstap otyrǧan adam men «Qazaqfilm» AQ-nyŋ sol kezdegı basşysy Sergei Äzımovtıŋ arasynda äŋgıme örbidı. Kinostudiia jetekşısı hattardy Qazaqstanǧa qaitaruyn sūraidy. Alaida, odan tük öndıre almaidy. Sūhbattasy: «Tırı kezınde ūly tūlǧalaryŋdy elemeisıŋder, ölgennen keiın baryp ah ūrasyŋdar. Hattardy bermeimın» dep anyq aitady. Qarap otyrsaq, sol äŋgımeden 17 jyl uaqyt ötken eken. Bıraq, hattar elımızge älı äkelınbeptı. Mūrajaidyŋ aǧa ǧylymi qyzmetkerı Gülzat Sälemqyzynan osyny sūraǧanymyzda sony bıldık.

«ALAŞTYŊ» QALASYNDA

Köŋılge kırbıŋ ūialatatyn taǧy bır jait jaily aita ketsek. Semei – «Alaş» partiiasy qūrylǧan qala. Partiia kösemı Älihan Bökeihanov ta Abaidy jalpaq jūrtqa tanytuda bır adamdai eŋbektendı. Eŋ aldymen Abaidyŋ alǧaşqy jinaǧyn şyǧaruǧa atsalysty. 1905 jyly danyşpanymyzdyŋ ömırbaianyn orys tılınde jazyp, «Semipalatinskii listok» gazetıne jariialady. Ahmet Baitūrsynov jazǧan «Qazaqtyŋ bas aqyny» maqalasy da esıŋızde bolar. Al, qazırde «Alaştyŋ» ştaby bolǧan ǧimarat şırkeuge ainalǧan. Esı bar basşy mūndai keleŋsızdıkke jol beruşı me edı?..

Ras, sol qalada 1997 jyly aşylǧan «Alaş arystary – Mūhtar Äuezov» mūrajaiy bar. Köne ǧimaratty 1893 jyly Abai bılımge qūştar jetım azamat Äniiar Moldabaevqa satyp äpergen. Keiınnen mūnda Ahmet Baitūrsynov äielı Bädrisafamen, Mırjaqyp Dulatov, Mūhtar Äuezov tūrǧan. Bıraq, aldynda aitylǧan «Alaş» ştabyn şırkeuge ainaldyru nenıŋ soraqylyǧy…

«QARAUYL QAIǦYSY» OQYLǦANDA

«Polkovnichii» – qazırgı aty «Tüiemoinaq» aralyna da baryp, atomdyq jarylys qūrbandaryna arnalǧan eskertkıştı de kördık. Qonaqüige qaityp kelgen soŋ Däuren Berıkqajyūly bır bölmege jaiǧasqan tört jıgıtke Esenqūl Jaqypbektıŋ «Qarauyl qaiǧysy» poemasyn erınbei oqyp berdı. Esenqūlǧa qairan qaldyq. 1989 jyly jazylǧan būl şyǧarmada atomnyŋ bar qasıretın jaiyp salǧan aqyn. Ortamyzda Azamat Şoqşin otyrǧan edı. Ol qatty äserlenıp: «Esenqūlǧa osydan keiın Semeiden köşe beru kerek» dedı. Oryndy ūsynys. Tek oǧan uaqyt kerek siiaqty. Esenqūl Jaqypbekovtıŋ dünieden ötkenıne bır jylǧa ǧana juyqtady. Al, «Onomastika turaly» elımızdıŋ zaŋynda belgılı bır tūlǧa qaitys bolǧannan keiın onyŋ atyna köşe nemese özge nysan kemınde 5 jyldan soŋ berıledı dep anyq jazylǧan. Alla qalasa onyŋ da uaqyty keler. Tek sapar barysynda özgeler aitqan dūrys sözder, bız baiqaǧan jaittar tiıstı jerlerge jetse bolǧany.

Amanǧali QALJANOV,
Astana – Pavlodar – Semei – Jidebai – Astana

Taǧyda

Ūqsas jaŋalyqtar

Pıkır üsteu

Back to top button