ÄleumetQala men Sala

ZEINETKE ŞYQSA DA, ZEIINI JŪMYSTA

zags

Qazaqstan Respublikasy Ädılet organdary qyzmetkerlerınıŋ käsıbi merekesıne orai osy salada ūzaq jyldar boiy jemıstı qyzmet atqarǧan, byltyr ǧana zor qūrmetpen zeinetkerlıkke şyqqan Azamattyq hal aktılerın tırkeu mekemesınıŋ ardagerı Ryskül Maqanova turaly az-kem syr äŋgıme örbıtkendı jön kördık.

Zaman bır ornynda tūrmaidy, synaptai syrǧyǧan uaqyt ūstatpaidy da. Būlai deitınım, keşegı jap-jas maman bügınde zeinetker atanyp otyr. Bükıl sanaly ǧūmyryn azamattyq hal aktılerın tırkeu salasyna arnaǧan, boiyndaǧy bılımı men bılıgın naqty ısterımen däleldep, el-jūrttyŋ erekşe yqylasyna bölengen Ryskül Baiǧazyqyzy osy qyzmette baqandai otyz bes jyl jūmys atqarypty.

Adam boiyndaǧy asyl qasietter mınezden tuyndaidy desek, oǧan ana sütımen boiyna bıtken adamgerşılık qasietı, aqiqat pen ädılettılıktı joǧary qoiatyndyǧy, bauyrmal janaşyrlyǧy, halyq müddesıne qyzmet etuge qūlşynysy abyroiyn asqaqtata tüsıp, boiyndaǧy azamattyǧy men parasattylyǧy jetıstıkterge jetelep, tabystarǧa kenelttı.

«Asyl adam ainymas» dep Abai aitqandai, Ryskül Baiǧazyqyzynyŋ asyp-tasyp keude kergen, menmensıngen kezı joq. Sözı men ısı bır arnaǧa toǧysyp, sūlulyǧy men märttıgınen qūbylǧan emes. Şaŋyraqtaǧy jarasymdy tırlıgımen, dos-jaranǧa degen syilastyǧymen jastarǧa ülgı-önege boldy. Tuyp-ösken ölkesıne terın tögıp, eren eŋbegı elenıp, türlı marapattar ielendı. Qazır ol Astana qalasy Ädılet departamentı AHAT mūraǧatynyŋ meŋgeruşısı bolyp jūmysyn jalǧastyryp keledı, jastarǧa käsıbi maman retınde jūmystyŋ qyr-syryn üiretuden jalyqpaidy.

 

Baqytjamal BAZARBAEVA, 

Esıl audandyq Ädılet basqarmasynyŋ bölım basşysy

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button