Jaŋalyqtar

JADYMDAǦY JETI KÜN

Ziiabek QABYLDİN,
tarih ǧylymdarynyŋ doktory, professor:

AŞARŞYLYQQA ARHİVTIŊ «KÖZIMEN QARAMAUYMYZ QAJET

Būl aptada elordalyqtardyŋ erekşe esınde qalǧany aşarşylyq qūrbandaryna arnalǧan eskertkıştıŋ aşyluy boldy. Saltanatty şarada Memleket basşysy men ziia­ly qauym ökılderı tarapynan aşyq pıkırler aityldy. Baiqasaŋyz, mūndai ötkır oilar būǧan deiın köp aityla bermeitın.

Keşe aşarşylyq oqiǧasyn taldap tarazylaityn ülken halyqaralyq konferensiia öttı. Jiyrma şaqty eldıŋ tarihşylary, ǧalymdary keldı.

Solarmen pıkırlestık. Ombydan kelgen tarihşylar Batys Sıbırde aşarşylyqtyŋ qalai jürgenı, quǧyn-sürgınnıŋ qalai jasalǧany jaiynda qūndy mälımetter keltırdı.

Elbasy aitqandai, qaraly jyldar oqiǧasynyŋ älı de zertteudı qajet etetın tūstary bar. Bız aşarşylyq oqiǧasyna tek mūraǧattyŋ közımen qarauǧa üirenıp alǧanbyz. Ökınışke qarai, zardapty basynan ötkergen jandardyŋ közımen qaraudy ūmyt qaldyryp jatamyz. Bızde bır oi tuyp otyr. Osy jazda studentterdı auyl­dy jerlerge jıberıp, quǧyn-sürgın jyldarynyŋ tırı kuägerlerımen sūhbattasudy tapsyrmaqşymyz. So­syn ony qaǧazǧa tüsırıp, maqalalar daiyndap, derekterdı oqulyqtarǧa engızudı oilap otyrmyz.

Keşegı aşylǧan eskertkış ra­synda qaraly jyldardy elestetetındei eken. Säuletşınıŋ özındık oiy, közqarasy körınıp tūr. Sol jaǧalauǧa nege qoiylmady degender tabylyp jatyr. Bıraq eskertkışke oryn taŋdauda da qisynǧa süienu kerek qoi. Eskı qala kezınde aşarşylyqtyŋ kuäsı boldy. Sondyqtan, būǧan aitar qarsy pıkırım joq.

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button