Elordadaǧy «Jastar» saraiynda jūmysssyz azamattarǧa arnalǧan jalpyqalalyq bos oryndar järmeŋkesı ūiymdastyrylyp, onda 50-den astam jūmys beruşı qatysty.
Järmeŋke jūmys ızdeuşıler üşın de, jūmys beruşıler üşın de tiımdı. Is-şara barysynda olardyŋ alǧaşqylary tūraqty jūmysqa ornalassa, al keiıngılerı mekemelerıne qajettı mamandar tapqandaryna quanyşty.
Jūmyspen qamtu jäne äleumettık baǧdarlamalar basqarmasynyŋ jūmys beruşılermen özara bailanys jasau bölımınıŋ basşysy Baqyt Rakişevanyŋ aituynşa, biyl elordada ötken bos oryndar järmeŋkesıne barlyǧy 2 myŋnan astam jūmyssyz azamat kelgen. Käsıpkerlıktı damytu jönındegı ūlttyq joba aiasynda 1 myŋnan astam adam keŋes aldy.
– Biyl jospar boiynşa 10 qalalyq bos oryndar järmeŋkesın ūiymdastyrdyq. Ai saiyn ūiymdastyrylǧan järmeŋkege şamamen 200-400 adam qatysyp keldı. Onyŋ ışınde qalaǧan jūmysyn tauyp, eŋbek etıp jatqan adamdar da bar, – dedı bölım basşysy.
Qalalyq Polisiia departamentı bos oryndar järmeŋkesıne tūraqty qatysuda. Sebebı elordadaǧy jedel den qoiu arnaiy jasaǧynda 168 bos jūmys orny bar. İnspektor J.Mūsabekovtyŋ aituynşa, qalalyq bos oryndar järmeŋkesınen keiın 4-5 azamat jūmysqa qabyldauǧa ötınış bıldıredı eken.
– Bızde inspektor jäne jürgızuşıge bos oryndar bar. Talap boiynşa joǧary bılımdı, zaŋger mamandyǧy bar, äskerge barǧan jäne sporttan bırınşı razriadty qyzmetkerler qajet. Eger qūjattary säikes kelse, ärı qarai medisinalyq tekserısten ötedı, – dedı inspektor.
Bügıngı taŋda jūmys beruşıler ūsynǧan eŋ sūranysqa ie mamandyqtar: tärbieşı, kassir, farmasevt, slesar, buhgalter, säuletşı, injener-jobalauşy, ärtürlı sanattaǧy jürgızuşı, satu jönındegı menedjer, qarjy keŋesşısı, kredittık menedjer. Kadrlardaǧy eŋ ülken tapşylyq densaulyq saqtau, sauda, qūrylys jäne öndırıs salalarynda baiqaldy.
Bos oryndar järmeŋkesın ötkızu barysynda äŋgımelesuge 480-nen astam adam şaqyryldy, onyŋ ışınde 276 jūmys ızdeuşı tūraqty jūmys oryndaryna ornalastyryldy. Mūnda keluşıler jūmys beruşılermen tıkelei söilesıp, Jūmyspen qamtu ortalyǧynyŋ mamandarynan özderın qyzyqtyratyn mäseleler boiynşa keŋester aldy.
