Qala tırşılıgı

JAILY AVTOBUS KÖZQARASTY JAŊARTADY

6259553305_fbb19a15e7_z

Kez kelgen qalada, äsırese, elordada qoǧamdyq kölık mäselesı erekşe maŋyzdy. Tūrǧyndardyŋ kündelıktı köŋıl-küiı de, tıptı, tūtastai Astananyŋ imidjı de olardyŋ qyzmetıne tıkelei bailanysty. Halqynyŋ sany 800 myŋnan asqan Astanada 700 myŋǧa juyq tūrǧyn qoǧamdyq kölıkpen jüredı. Iаǧni, qoǧamdyq kölık qyzmetın paidalanatyn adamdar tūrǧyndardyŋ şamamen 80 paiyzyn qūraidy. Qala äkımdıgı 2016 jyly qoǧamdyq kölıkpen jüretınderdıŋ sany 970 myŋǧa jetetının aitady.

Qazır Astanada türlı baǧyttar boiynşa jolauşylar tasymaldaumen 8 kölık kompaniiasy ainalysady. Olardyŋ bıreuı – kommunaldyq avtopark, jeteuı jekemenşık bolyp tabylady. Būl avtoparkterde 890 avtobus tırkelgen. Olardyŋ 734-ı kün saiyn jolauşylar tasymaldauǧa şyǧyp, 50 baǧyt boiynşa qatynaidy. Degenmen, būl qoǧamdyq kölık qalanyŋ barǧan saiyn ösıp otyrǧan sūranysyn qanaǧattandyra almaidy. Qazırdıŋ özınde qalaǧa 300-den asa avtobus jetpei otyr.

Atalmyş mäselenı şeşuge qala äkımdıgı myqtap kırıstı. Biyl Astana qalasyna gazben jüretın «IVECO» markaly 350 jaŋa avtobus satyp alynbaq. Al, tozyǧy jetken avtobustar tolyqtai qoldanystan şyǧarylady.

Kelısımge säikes Fransiia kompaniiasy 1 tamyzǧa deiın Astana qalasyna 200 jaŋa avtobus jetkızedı. Qalǧan 150 avtobus aǧymdaǧy jyldyŋ bırınşı qazanyna deiın äkelınedı. Būl investisiialyq jobaǧa jūmsalatyn qarjyny «Astana LRT» JŞS «CAFAS» kompaniiasynyŋ saqtandyru kepıldıgımen Germaniianyŋ «CommerzBank» bankınen tiıstı nesiege aldy. Jobanyŋ jalpy kölemı – 91 million euro.

Satyp alynǧan jaŋa avtobustar şılde aiynda ıske qosylatyn kommunaldyq avtobus parkınıŋ qaramaǧyna berıledı. Qazırgı uaqytta 8,48 gektar jer telımınde osy bolaşaq avtobus parkınıŋ qūrylysy qyzu jürgızılıp jatyr.

Tabiǧi gazben jüretın būl avtobustarda barlyq jaǧdai jasalǧan. Olardyŋ edenderı tömen, pandustar ornatylǧan. Būl mümkındıgı şekteulı azamattardyŋ qatynauyna da öte qolaily. Sonymen qatar, jaŋa avtobustardyŋ ışınde mügedek arbalary ornalastyrylatyn oryndar bar. Mūndai qolaily avtobustar Fransiia qalalarynda köptep qoldanylady eken. Äkelınetın avtobustardyŋ 270-ınıŋ ūzyndyǧy 12 metr bolsa, 80-ınıŋ ūzyndyǧy 18 metrge teŋ. Būl kölıkter elorda qatynasy üşın öte tiımdı bolmaq.

Jaŋa avtobustarda qyzmet sapasyna qoiylatyn talap ta küşeiedı. Endı jürgızuşıler bılıktılıgın arttyru ortalyǧynda oqyp, konduktorlardyŋ ornyn elektrondy apparattar almastyrady.

Sonymen qatar, qala ışındegı qaşyq baǧyttarǧa jolauşylardy jedel ärı qolaily kölıktermen tasymaldau üşın balama qoǧamdyq kölık jüiesın engızu tūrǧyndar üşın maŋyzdy. Qalada 271 myŋ kölık qūraly tırkelgen bolsa, basqa öŋırlerden jäne qala maŋaiyndaǧy eldı mekenderden 100 myŋnan astam kölık qatynaidy. Osynyŋ saldarynan köşelerde kölık keptelısı oryn alady. Taŋerteŋgı ärı keşkı uaqytta avtobustar keşıgıp jatady. Mūndai jaǧdailar bolmas üşın BRT (Bus Rapid Tranzit) – qala köşelerındegı arnauly jolaqtar arqyly jüretın jedel avtobustar qatynasy jüiesın qoldanysqa engızu közdelıp otyr. Būl joba üş kezeŋnen tūrady. Bırınşı kezeŋ qūrylysy jaqynda bastalady (ūzyndyǧy 22,4 şaqyrym 26 beketten, jyljymaly qūram 27 bırlıkten tūrady). Bırınşı kezeŋdı 2016 jyldyŋ nauryz aiynda paidalanuǧa beru közdelınıp otyr. Al, jedel jüretın avtobustar jelısınıŋ ekınşı jäne üşınşı kezeŋderı tiısınşe 2015 jäne 2017 jyldary paidalanuǧa berılmek. Osy jobanyŋ jüzege asyrylǧan kezde tūrǧyndar qalada jekemenşık maşinamen jürgennen görı qoǧamdyq kölıkke otyrudyŋ anaǧūrlym tiımdı ekenın tüsınedı.

Halyq sany artyp, jeŋıl kölıkter köbeigen saiyn Astana köşelerı de tarlyq etude. Būl mäselenı şeşude ainalma joldar salynyp, köşe qiylystary keŋeitılıp jatyr. Al jyldamdyqty asyryp, qoǧamdyq tärtıptı būzǧan jürgızuşılermen qataŋ küres jürgızıledı.

Erkejan SÄTIMBEK

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button