Astana qalasy boiynşa Memlekettık qyzmet ısterı departamentı käsıbi memlekettık apparat üşın bılıktı mamandardy ırıkteu mäselesıne qatysty arnaiy jiyn ötkızdı.
Jiynda Departament basşylyǧy Elbasy bekıtken «100 naqty qadam» Ūlt josparynyŋ maŋyzdylyǧyna toqtaldy.
– Būl maŋyzdy qūjatta käsıbi memlekettık apparat qūruǧa basa nazar audarylǧany belgılı. Osy maqsatty jüzege asyru üşın biylǧy jyldyŋ basynda «Memlekettık qyzmet turaly» jaŋa zaŋǧa qol qoiyldy. Qazırgı qoldanystaǧy zaŋǧa säikes, memlekettık qyzmetkerlerge qoiylar talap būrynǧysynan köp küşeidı. Testıleu baǧdarlamasy da bırşama özgerdı. Biylǧy jyldyŋ 1 şıldesıne deiın testıleuge 3218 adam qatyssa, sonyŋ ışınde mejelı mölşerden asatyn nätije jinaǧandary 1809 adamdy qūrady. Iаǧni, testke qatysuşylardyŋ tek 56,2 paiyzy ǧana tiıstı nätijege qol jetkıze aldy. Degenmen, test arqyly bılım-bılıgın synap, mejelı mölşerden asa alǧandar sany 2015 jylmen salystyrǧanda 1,3 ese ösken, – dep atap kettı Departament basşysynyŋ mındetın atqaruşy R.Tūŋǧyşbaev.
Onyŋ aituynşa, biylǧy jyldyŋ basynan osy kezge deiın Astana qalasyndaǧy memlekettık organdardaǧy tırkelgen ştat sany 3697 adamǧa jetken. Sonyŋ ışınde saiasi memlekettık lauazymda – 6, «A» korpusyndaǧy äkımşılık memlekettık lauazymda – 9, «B» korpusynda 3682 adam esepke alynǧan. Is jüzındegı jalpy äkımşılık memlekettık qyzmetkerler sany – 3302.
Eseptı merzım ışınde elordadaǧy memlekettık organdarda 965 äkımşılık memlekettık lauazymdarǧa 237 konkurs ötkızılgen. Būl konkurstarǧa 1157 ümıtker qatysyp, öz baqtaryn synaǧan. Solardyŋ ışınen 499-y (51,7 paiyzy) jeŋımpaz tanylyp, lauazymdy oryndy ielenu qūqyǧyna ie bolǧan eken.
Jyl basynan berı jergılıktı atqaru organdarynda memlekettık qyzmetkerlerdıŋ bılıktılıgın köteruge 176 adam jatqyzylǧan, sonyŋ 78-ı arnaiy oqudan ötıp kelıp, jūmys tiımdılıgın körsete bastaǧan körınedı. Al 109 memlekettık qyzmetker qaita daiarlaudan ötuı tiıs bolsa, sonyŋ 59-y qaita daiarlau kurstaryn tabysty aiaqtap şyqqan.
– Memlekettık qyzmettıŋ jaŋa ülgısı engızıluı öz kezegınde memlekettık jüiege käsıbi bılım-bılıgı joǧary, öz mındetın sapaly atqara alatyn mamandar tartuǧa, osyndai kadrlar qūramyn qalyptastyruǧa septesedı. Jaŋa ülgınıŋ şarty boiynşa memlekettık qyzmetke üş ırıkteu kezeŋı arqyly alynady. Eŋ soŋynda konkurstyq komissiianyŋ şeşımımen ırıkteu jürgızıledı. Konkurstardyŋ 1 jäne 2 kezeŋı eŋ bırınşı sol memlekettık organnyŋ öz ışınde jürgızıledı. Al jalpy konkurs azamattarymyzǧa memlekettık qyzmetke ornalasuǧa jol aşady. Būl jüienıŋ aiqyndylyǧyn jäne aşyqtyǧyn qamtamasyz etedı. Osy reformanyŋ negızgı maqsaty – memlekettık qyzmetkerlerdıŋ bılıktılıgı men käsıbi deŋgeiın köteru, laiyqty eŋbekaqy jüiesın qalyptastyryp, qyzmetkerlerdıŋ mansap boiynşa joǧarylauyna jol aşu, jemqorlyq qūqyq būzuşylyqtardyŋ tömendeuın qamtamasyz etıp, tūrǧyndardyŋ memlekettık organdardyŋ ökılderıne degen senımın arttyrudy közdeidı. Būl öz kezegınde memlekettıŋ saiasi jäne ekonomikalyq körsetkışı jaqsara tüsuıne aitarlyqtai yqpalyn tigızedı. Qyzmetkerlerge laiyqty eŋbekaqy deŋgeiın taǧaiyndap, olarǧa bonus türındegı kötermeleuler körsetu qyzmetkerlerdı nätijelı jūmys jasauǧa yntalandyrady, jalpy organ ışınde jūmysqa degen ynta-yqylasty arttyrady. Bonustar tek qana tiımdılıgı joǧary memlekettık qyzmetkerlerge taǧaiyndalady, – dep tüsındırdı R.Tūŋǧyşbaev.
Jiyn soŋynda atalmyş Departament qyzmetkerlerı qatysuşylardyŋ türlı sūraqtaryna jauap berıp, jaŋa ülgıge qatysty özara pıkır almasty.
Meŋdolla ŞAMŪRATOV
