JaŋalyqtarQala tırşılıgı

«JAŊARǦAN ÜIIMIZDI TANYMAI QALDYQ» DEIDI TŪRǦYNDAR

ERA_6706

Astanada osy künderge deiın 2011-2020 jyldarǧa arnalǧan Tūrǧyn üi-kommunaldyq şaruaşylyǧyn jaŋǧyrtu baǧdarlamasy boiynşa 16 köp qabatty üi jöndeldı. Solardyŋ on ekısı osy jyldyŋ enşısınde. Eŋ soŋǧy tapsyrylǧany Mirzoian köşesı 19 mekenjaiynda ornalasqan.

Keşe atalmyş baǧdarlama­nyŋ oryndaluyna jauapty organdar atqarylǧan jūmystardyŋ nätijesımen tanysyp şyqty. Atalmyş mekenjaidaǧy bes qabatty üi 1984 jyly salynǧan. «Örken qala» JŞS merdıgerlerdı tartyp, osy üidıŋ şatyry men qasbetın, jertölesın, päterlerge kıreberıs alaŋdaryn jöndedı. İnjenerlık jelılerdı auystyryp, avtomatty jylu beru punktın ornatty. Üidı jaŋǧyrtu jūmystaryna 113 mln teŋge jūmsaldy.

«Baǧdarlamanyŋ ıske qosylǧanyna 3-4 jyldyŋ jüzı boldy. Saryarqa jäne Almaty audandaryndaǧy eskırgen köp qabatty üilerdı jöndep jatyrmyz. Bıraq, būl jūmystarǧa jyl saiyn biudjetten qarjy bölıne bermeidı. Mäselen, byltyr qarjy bolmaǧandyqtan üilerdı jaŋǧyrtu jürgızılmedı. Biylǧy biudjette atalǧan jūmystarǧa qarjy qarastyrylyp, bıraz üi jöndeldı. Kelesı jyly da aqşa bölıner bolsa, otyz şaqty üidı jöndeimız» deidı Tūrǧyn üi inspeksiiasy basqarmasynyŋ basşysy Talǧat Rysbekov.

Osy üide 2006 jyldan berı tūratyn Säniia Bermahanova atqarylǧan jūmystarǧa öz pıkırın bıldırdı. «Būryn töbemızden su ketıp jatatyn. Äbden tozǧan üiımızdı jöndeu jūmystarynan keiın tanymai qaldyq. Işı-syrty jainap şyǧa keldı. Ol üşın PİK basşymyz Gennadii Savenkoǧa rahmet aituǧa tiıstımız. Būl kısı: «Tūrǧyn üi-kommunaldyq şaruaşylyǧyn jaŋǧyrtu baǧdarlamasy boiynşa üiımızdı jöndete alamyz. Osyǧan qajettı qūjattardy tapsyraiyq» dep, bızdı üş jyl boiy ügıttedı. Bız, şynyna kelgende alǧaşynda oǧan senbedık. Aqyry Gennadii Nikolaevich bızdı sendırdı. Atqarylǧan jūmystardyŋ nätijesıne köŋılımız tolyp otyr» deidı.

Jöndeu jūmystarynan keiın de keide aqaular şyǧyp jatatyny jasyryn emes. Myna üidı jaŋǧyrtu qanşalyqty sapaly atqaryldy dep, Talǧat Rysbekovten sūraǧanymyzda ol: «Qazır naqty eşteŋe aita almaimyn, aqaular bolsa keiınnen şyǧuy mümkın. Bıraq, äzırge jūmys sapasyz atqaryldy dep, merdıgerlerge orynsyz kınä arta almaimyz» dep jauap berdı.

 Amanǧali ŞMİTŪLY

Taǧyda

admin

«Astana aqşamy» gazetı

Ūqsas jaŋalyqtar

Pıkır üsteu

Back to top button