Jany jaisaŋ jan edı…
2016 jylǧy 3 şıldede körnektı memleket qairatkerı, halqymyzdyŋ aiauly qyzdarynyŋ bırı Qaiyrbekova Salidat Zekenqyzy mezgılsız dünieden öttı.
1961 jyly 1 tamyzda Qaraǧandy oblysynda düniege kelgen. Ol 1984 jyly Qaraǧandy memlekettık medisina institutyn «Emdeu ısı» mamandyǧy boiynşa, 2002 jyly E.Böketov atyndaǧy Qaraǧandy memlekettık universitetın «Qūqyqtanu» mamandyǧy boiynşa bıtırgen.
1984-1998 jyldary Qaraǧandy oblysynyŋ medisina ūiymdarynda därıger-nevropatolog, Qaraǧandy köp baǧdarly emdeu-diagnostikalyq bırlestıgınde bas därıgerdıŋ orynbasary bolyp eŋbek etken.
1998-2001 jyldary Qaraǧandy oblys Densaulyq saqtau basqarmasynyŋ medisinalyq kömektı ūiymdastyru bölımınıŋ bastyǧy, Qaraǧandy oblystyq eŋbek, jūmyspen qamtu jäne halyqty äleumettık qorǧau basqarmasynyŋ №5 medisinalyq-äleumettık saraptama komissiiasynyŋ töraiymy, 2001-2004 jyldary Qazaqstan Respublikasy Densaulyq saqtau ministrlıgınıŋ bölım bastyǧy, basqarma bastyǧy, Emdeu-profilaktikalyq jūmys departamentı direktorynyŋ orynbasary, Apparat basşysy qyzmetın atqardy.
2004-2006 jyldary Qazaq memlekettık medisina akademiiasynyŋ prorektory, 2006-2008 jyldary Qazaqstan Respublikasynyŋ Prezidentı Äkımşılıgınde ärtürlı qyzmette, 2008 jylǧy 4 jeltoqsannan bastap Qazaqstan Respublikasy Densaulyq saqtau ministrlıgı Medisinalyq qyzmet körsetu salasyndaǧy baqylau komitetınıŋ töraiymy, 2009 jylǧy 5 qazannan bastap Qazaqstan Respublikasy Densaulyq saqtau ministrlıgı Medisinalyq qyzmetke aqy töleu komitetınıŋ töraiymy, 2010 jyly vise-ministr bolyp eŋbek ettı.
Salidat Zekenqyzy Qazaqstan Respublikasy Prezidentınıŋ Jarlyǧymen 2010 jylǧy 7 qazanda Qazaqstan Respublikasynyŋ Densaulyq saqtau ministrı bolyp taǧaiyndaldy. Onyŋ otandyq medisina salasyn örkendetuge qosqan ülesı ölşeusız. Aramyzda bolsa, älı talai igı ısterdıŋ basynan tabyla beretın edı. Amal qanşa…
Qazaqta «Ömır bar jerde ölım bar» deidı. Taǧdyrdyŋ jazuy osy bolar.
Astana qalasynyŋ äkımdıgı marqūmnyŋ tuǧan-tuystary men jaqyn-joralaryna qaiǧyryp, köŋıl aitady. Salidat Zekenqyzynyŋ jatqan jerı jaily, topyraǧy torqa bolsyn.