Keşe Astana qalasynyŋ äkımı İmanǧali Tasmaǧambetov Budapeşt merı İştvan Tarloş bastaǧan vengriialyq delegasiiany qabyldady.
Qazaqty ejelden tuys dep tanyp, jaqyn tartyp jüretın vengrler osy joly da dostyq qarym-qatynasyn nyǧaita tüsu nietımen Astanaǧa at basyn būrypty. Budapeşt merı İştvan Tarloş bastaǧan delegasiiany qabyldaǧan elorda äkımı İmanǧali Tasmaǧambetov Qazaq elı men Vengriia arasynda barlyq sala boiynşa bailanystar tüzılgenın, yntymaqtastyq kökjiegı keŋes zamanynda-aq ornyqqanyn äŋgımesıne arqau ettı.
– Sol kezdıŋ özınde mūnai-gaz salasy boiynşa özara kelısımder qūjatyna qol qoiylyp, bıraz jūmystar igerılgenı esımızde. Tek Atyrau öŋırıne 10 myŋǧa juyq qandastaryŋyz kelıp jūmys ıstedı. Olardyŋ arasynda qazaq qyzdaryna üilengenderı de barşylyq. Osynyŋ özı-aq qazaq-vengrdıŋ arasynda ärıptestık qana emes, tamyry tereŋge jaiylǧan adami, tarihi bailanystar jatqanyn aŋǧaruǧa bolady, – dedı İmanǧali Nūrǧaliūly.
Sondai-aq, Astana äkımı jaqynda qalalyq Onomastika komissiiasy men mäslihattyŋ şeşımımen Astana köşelerınıŋ bırıne Budapeşt atauy berılgenın jetkızdı.
Būdan keiın ol märtebelı meimandarǧa Astana turaly äŋgımelep, jas şahardyŋ ösu-örkendeu tarihyna az-kem toqtaldy. Elorda tūrǧyndarynyŋ sany bügınde 800 myŋǧa juyqtaǧanyn, soŋǧy bes-alty jylda tūrǧyn – üi qūrylysy 1,5 million şarşy metrge jetkenın, būl körsetkıştıŋ özı jas qalanyŋ qarqyndy damyp kele jatqanyn aiǧaqtaidy, – dedı äkım. Budapeşt syndy älemdegı ädemı şaharmen qoiyn-qoltyq aralasyp, täjıribe almasu – Astana üşın maŋyzdy ekendıgın aitqan İmanǧali Nūrǧaliūly:
– Bızdıŋ el men Vengriia arasyndaǧy sauda ainalymy auyz toltyrarlyqtai emes. Būl mäselede bastapqy kezeŋde tūrmyz deuge bolady. Qazaqstanda bırde-bır vengr mekemesı tırkelmegen eken. Kezınde Vengriianyŋ öndırısı sapalylyǧymen erekşelengenın bılemız. Bızge qajettısı de osy innovasiialyq tehnologiia. Sondyqtan Budapeştıŋ biznes ökılderımen Astanada kezdesıp, bırlesken käsıporyndar qūrudy oilastyrsaq, – degen pıkırın bıldırdı.
Būl ūsynysty qūp körgen Budapeşt merı özderın madiiarlar sanaityn vengrler qazaqtardy qaşan da jaqyn tartatynyn, tarih köşındegı özara kelısım men dostyq ürdısı bügıngı künı de keregesın keŋge jaiǧanyn qalaityndaryn jetkızdı. Ekı bırdei qarjylyq daǧdarysty bastan ötkergen vengr jūrtşylyǧynyŋ qazırgı ahualyna toqtalǧan İştvan Tarloş myrza Budapeşttıŋ damu tarihyna da şolu jasady. Endı osy bır äsem şahardyŋ bır köşesı nemese alaŋy Astana dep atalatynyn da qūlaqqaǧys ettı.
Astana äkımıne qos astana arasyndaǧy ärıptestık turaly kelısımnıŋ jobasyn ūsynǧan ol:
– Öz basym mädeniet jäne sport salasyndaǧy bailanysymyz erekşe ekpın alsa deimın. Bızdıŋ muzyka älemıne, ansamblder men ūjymdar arasyndaǧy täjıribe almasuǧa alaŋymyz aşyq. Endıgı kezekte oqu oryndarynyŋ özara ärıptestıgı de arta tüskenı dūrys. Budapeşt – joǧary bılım ordalardyŋ qalasy. Jaqynda ǧana Ǧylym akademiiamyz bedeldı universitettermen serıktestık turaly kelısımın aiaqtady. Sızdermen de osy salada bırlese jūmys ıstesek degen oiymyz bar, – dedı.
Mädeni-gumanitarlyq, kölık, kommunikasiia, qūrylys syndy san salalar boiynşa tyǧyz bailanys jasau töŋıregınde bailam jasasqan qos şahar basşysy būl jüzdesu dostyq qarym-qatynasqa jaŋa serpın beretınıne senım bıldırıp tarqasty.
Qymbat TOQTAMŪRAT
