Elımızde 1 qyrküiekten bastap «Qazaqstan Respublikasynyŋ azamattaryna, oralmandarǧa jäne Qazaqstan Respublikasynda tūruǧa yqtiiarhaty bar adamdarǧa olardyŋ mülıktı jariia etuıne bailanysty raqymşylyq jasau turaly» zaŋǧa säikes mülıkterdı jariia etu boiynşa qūjattardy qabyldau jürgızılıp jatqany mälım. Bügınge deiın Astanada mülıktı jariia etu jönındegı audandyq äkımdıkter janyndaǧy komissiialarǧa 3201 adam ötınış bıldırdı dep habarlaidy qalalyq äkımdıktıŋ baspasöz qyzmetı.
Onyŋ ışınde Almaty audanynda – 1153, Esıl audanynda – 443, Saryarqa audanynda 1 605 adam ötınış tapsyrǧan. Köpşılıgı komissiiaǧa jyljymaityn mülıkke qatysty mäselemen keledı eken. «Naqtylai aitsaq, ötınışterdıŋ jalpy sanynyŋ 2941-ı jyljymaityn mülıktı zaŋdastyruǧa, qūjattaryn turalauǧa bailanysty» deidı mamandar.
Eske sala keteiık, azamattarǧa yŋǧaily boluy üşın Astana qalasynyŋ barlyq audandyq äkımdıkterı janynan arnauly komissiialar qūrylǧan edı. Azamattardan qūjattardy qabyldau äkımdıkterdıŋ ǧimarattarynda jüzege asyryluda:
– Almaty audany – Täuelsızdık köşesı, 7-üi (anyqtama tel.: 36-39-19);
– Esıl audany – Qabanbai batyr daŋǧyly, 33 (anyqtama tel.: 57-45-63);
– Saryarqa audany – Saryarqa daŋǧyly, 13 (anyqtama tel.: 55-66-28, 55-66-21, 55-64-97).
Azamattar mülkın jariia etu üşın ötınış, jeke kuälıktıŋ köşırmesın (ötınıştı bergen kezde tüpnūsqasyn qosa ūsynu kerek), nysannyŋ qūrylys normalaryna jäne erejelerıne säikestıgı turaly attestattalǧan sarapşynyŋ qorytyndysyn, sondai-aq, jyljymaityn mülıktıŋ tehnikalyq qūjatyn äkeluı tiıs.
