Basty aqparatBılım

«JARQYN BOLAŞAQ» JAMPOZDARY

Astanadaǧy «Nūr Orda» qazaq-türik liseiinde «Jarqyn bolaşaq» atty memlekettik til aiasyn keŋeituge baǧyttalǧan oquşylar arasyndaǧy törtinşi bilim olimpiadasy ötti. Keŋ baitaq Qazaqstannyŋ tükpir-tükpirinen 7-11 synyptardy qamtityn 260 oquşy osy olimpiadanyŋ aqtyq saiysyna jinaldy. Biylǧy bäigege bir myŋ mektep pen bes myŋ oquşy qatysuǧa mümkindik alǧan eken. Olimpiadanyŋ negizgi ūiymdastyruşysy – türiktiŋ ataqty «KATEV» halyqaralyq qoǧamdyq qory.

Balalar «Tilşi-ädebietşiler», «Änşi-būlbūldar», «Jas ǧalymdar», «Söz şeberleri» jäne «Jazuşylar» syndy baiqaular boiynşa mänerlep öleŋ oqudan, şyǧarma jazudan, än saludan, ǧylymi jūmys qorǧaudan bäsekege tüsip, baq synasty.
Mūndai baiqau būryn tek qazaq-türik liseileri arasynda ǧana ötetin. Qazirgi taŋda būl olimpiada öziniŋ ötkizilu aumaǧyn keŋeitti. Bilim jäne ǧylym ministrliginiŋ qoldauymen bükil Qazaqstannyŋ mektepteri arasynda ötip tūratyn boldy. «KATEV» halyqaralyq qoǧamdyq qorynyŋ vise-prezidenti Äbdirahman Seldiŋ aituynşa, olimpiada maqsaty – balalardyŋ ana tilge degen mahabbatyn oiatu. Tildiŋ quatyn baiqatyp, onyŋ körkemdigine köz jetkizu. «Biz qazaq tiliniŋ damuyna barynşa üles qosqymyz keledi. Öitkeni, ol – Qazaqstannyŋ memlekettik tili. Barşa qazaqtyŋ ana tili. Al, ana tilin bilmegen jerde keleşekti boljau qiyn. Qazaq-türik liseileri 4 tilde bilim beredi. Biraq, qazaq tili airyqşa basymdyqqa ie. Osy olimpiadada özge ūlt pen ūlystyŋ bala-lary köp qatysqany bizdi quantyp otyr», – dedi öz sözinde Äbdirahman Sel.
Atalmyş bilim baiqauyna qatysqan 16 jeŋimpazǧa Süleimen Demirel atyndaǧy universitettiŋ granty berildi. Olar filologiia men jur-nalistika fakultetterinde bilim närimen susyndaityn bolady. Aita keterligi, būl granttardyŋ qūny – 1,5 mln teŋgege baǧalanyp otyr. Ekinşi, üşinşi oryn alǧan jüldegerlerge baǧaly syilyqtar men atauly marapattar jasaldy.
«KATEV» halyqaralyq qoǧamdyq qorynyŋ bas mamany Aqzira Ǧūmarovanyŋ pikirinşe, būl olimpiada qazaq tilin tereŋdete zerdeleuge, onyŋ qoldanys aiasyn keŋeituge septigin tigizedi. «Qazaq tilin biluge tek qazaq mektepteriniŋ tülekteri ǧana emes, özge tildegi mektep oquşylary da ülken qyzyǧuşylyq tanytty», – deidi bas maman. Onyŋ üstine är jylǧy olimpiada jaŋa daryndar men talanttardyŋ esimin äigileude tyŋnan türen salyp jür. Al, auyl balasy üşin respublikalyq olimpiadaǧa qa-tysu – arman qala Astanany öz közimen körip qaitudyŋ bir mümkinşiligi ekeni de ras.

Şynar ÄBILDA

Taǧyda

Ūqsas jaŋalyqtar

Pıkır üsteu

Back to top button