Jarqyn ömırdıŋ jarşysy
L.Gumilev atyndaǧy Euraziia ūlttyq universitetınıŋ bas ǧimaraty atriumynda «Jas Otan» Jastar qanaty Studentter Aliansy, Jastar kongresı, Auyl jastary Odaǧy, Jūmysşy jastar Odaǧy, «Jasyl el» jastar eŋbek jasaǧy jäne universitet studentterımen kezdesu ötkızıp, ündeu jariialady.
Jiynǧa bas qosqan jastardy ūiymdastyruşylar şaǧyn konserttık baǧdarlamamen qarsy aldy. KTK önerpazdary qoiylym körsetıp, «Samūryq» bi toby jūrtşylyq qoşemetıne bölendı.
Kezdesudıŋ resmi bölımınde «Jas Otan» Jastar qanatynyŋ ündeuı jariialandy. Ündeude jastarǧa berılgen zor mümkındıkter men «Qazaqstan – 2030» baǧdarlamasynyŋ jetıstıkterı aitylyp öttı.
Soŋǧy jyldary elımızde jetı jarym myŋǧa juyq mektep paidanaluǧa berılgen. Respublika boiynşa 140 JOO men 896 TjKB ūiymdary jūmys jasaidy eken.
Jyl saiyn 34 myŋnan astam bılım granttary bölınedı.
«Bolaşaq» baǧdarlamasy arqyly 8000 astam jastar şet elderde bılım alyp kelgen. Sonymen qatar, 20 myŋnan astam jas «Diplommen – auylǧa!» jobasy aiasynda auyldyq eldı-mekenderde jūmys ısteude. Soŋǧy üş jylda elu myŋnan astam tülek tūraqty jūmysqa ornalastyryldy.
Atalmyş jetıstıkterdı tıze kele, «Jas Otan» Jastar qanatynyŋ köşbasşysy Nūrlan Sydyqov «Bız endıgı kezekte eŋbek qoǧamyn qūruǧa baǧyt aldyq. Jastardyŋ eŋbeksüigış toby – Jalpyǧa ortaq Eŋbek qoǧamynyŋ negızı. Sondyqtan bız, jastar, özımızge qatysty baǧdarlamany oryndauda negızgı oryndauşy jäne baqylauşy boluymyz qajet» dedı.
Jiyn soŋynda qazaqstandyqtardyŋ Elbasynyŋ strategiialyq baǧdarlamalaryn qoldap, alǧa qoiǧan josparlardy oryndauǧa daiyn ekendıgı aityldy jäne jastardy auqymdy mındetterdı bırge atqaruǧa şaqyrǧan ündeu jariialandy.
Erbol JANAT